Sport • 11 Jeltoqsan, 2019

Tennıs: Ispanııadan oljaly oraldyq

14 retkórsetildi

Ispanııanyń Manakor qalasyndaǵy Rafael Nadaldiń tennıs akademııasynda ótken «Ten-Pro Global Junior Tour» dep atalatyn týrnırde almatylyq Sara Hamıtova kúmis medaldi ıelendi.

Jerorta teńizindegi Malorka aralynda ornalasqan Manakor qalasy – álemniń birinshi raketkasy Rafael Nadaldiń kindik qany tamǵan ólke. Sol jerde ol tennıstiń álippesin úırenip, úlken sporttaǵy alǵashqy qadamdaryn jasady. Ýaqyt oza Nadal óz dáýiriniń teńdessiz oıynshylarynyń birine aınaldy.

О́z karerasynda Pıreneı túbeginiń túlegi «»Rolan Garros» týrnırin 12 márte utyp, «grýnt patshasy» degen ataqqa ıe boldy. Bul – rekordtyq kórsetkish! Odan bólek, AQSh-tyń ashyq birinshiliginde tórt ret top jaryp, eki ret «Ýımbldonda» dara shyqty. 2009 jyly Avstralııanyń ashyq birinshiliginde qarsylas shaq keltirmedi. Barlyǵy «Úlken dýylǵa» dodalarynda Rafael 19 márte jeńimpaz atandy. Sondaı-aq, ol kóptegen basqa da asa iri halyqaralyq týrnırlerde san márte bas júldeni oljalaǵanyn da jankúıerler jaqsy biledi.  

Osyndaı dańqy jer jarǵan tennısshiniń akademııasynda ótken dúbirli dodada álemniń 51 memleketinen kelgen 247 oıynshy baq synady. Solardyń arasynan almatylyq tennısshi Sara Hamıtova asqan sheberligimen kózge túsip, barsha jankúıerlerdiń ystyq yqylasyna bólendi. Nebir sheberlerdi jolynan yǵystyrǵan jerlesimiz 2009 jyly týǵan qyzdar arasyndaǵy saıysta kúmis medaldi oljalady. Fınalda Sara Qazaqstannyń taǵy bir daryndy tennısshisi, Nur-Sultan qalasynyń ókili Tomırıs Nurjanǵa ese jiberdi.  

Sara Hamıtovanyń osyndaı tolaǵaı tabysqa jetýine Qazaqstan tennıs federasııasynan bólek, Almaty qalalyq sport basqarmasy jáne Almaty qalasy tennıs federasııasynyń qosqan úlesi óte zor. Olar Sara sekildi osy sport túrin serik etken kóptegen daryndy jastardyń esh alańsyz jatyǵýyna barynsha jaǵdaı jasap, únemi qoldaý kórsetýde.

Elbasynyń syndarly saıasatynyń arqasynda qabyldanǵan «Rýhanı jańǵyrý» baǵdarlamasy basqa da salalarda sekildi sportta da osylaısha aıqyn kórnis tabýda.

 

 

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar