Qoǵam • 11 Jeltoqsan, 2019

Almatyda «Áskerge shaqyrýshylar kúnine» arnalǵan konsert ótti

27 retkórsetildi

Ulttyq ulan qatary taǵy 50 jas sarbazben tolyqty. Búgin Almatyda «Áskerge shaqyrýshylar kúni» aıasynda olarǵa qurmet kórsetilip, merekelik konsert ótti. Aıta ketý kerek, Almaty qalasynan 2000-nan astam jas ásker qataryna qosylady. Bul shara «Rýhanı baǵdarlama» baǵdarlamasy aıasynda uıymdastyryldy.

Onda soǵys ardageri jáne Qazaqstan qarýly kúshteriniń aǵa býyn ókilderi jastardyń áskerı qyzmettegi alǵashqy qadamdarymen quttyqtap, aq batalaryn berdi. Sondaı-aq uldary Otan aldyndaǵy boryshyn ótep júrgen Joldybaevtardyń otbasyna da tosyn syı jasaldy.

Jastardy áskerı-patrıottyq rýhta tárbıeleýge septigin tıgizetin «Áskerge shaqyrýshylar kúni» aldymen kórmeden bastaldy. Onda Qazaqstan armııasynda qoldanylatyn eń qajetti degen buıymdar jáne kıim úlgileri qoıylǵan. Aıtýly mereke konserttik baǵdarlamamen jalǵasty. Onda Uly Otan soǵysynyń ardageri, otstavkadaǵy polkovnık Leonıd Gırsh áskerge shaqyrylýshylarǵa aq batasyn berdi.    

«Qabyldaǵaly otyrǵan anttaryńa berik bolyńdar. Otan aldyndaǵy boryshtaryńdy aman-esen atqarýlaryńa tilektespin. Árbir er jigittiń azamattyq paryzy dep bilemin. Úılerińizde ata-analaryńyz sizderdiń tileýlerińizdi tilep otyratyndyǵyn esten shyǵarmańyzdar»,  dedi Uly Otan soǵysynyń ardageri Leonıd Grısh.

«Áskerge shaqyrýshylar kúni» alty aı buryn áýe desanttyq shabýyldaý kúshterine shaqyrylǵan Daýyrjan Mahambetjannyń otbasy úshin naǵyz mereke boldy. Jaýyngerlik daıyndyqta jaqsy nátıje kórsetkeni úshin oǵan qysqa merzimdi demalys berilip, ata-anasymen kútpegen kezdesý uıymdastyryldy. Ulynyń kelýi ata-anasy úshin naǵyz tosynsyı boldy.

«Myna ekinshi balam da áskerı bolamyn dedi. Áke jolyn qýyp jatyr barlyǵy. Ol kisi de áserı adam. Men búgin balam keledi dep kútpedim. Tosynsyı jasady maǵan. Oǵan kóp raqmet. Júregim jarylyp kete jazdady, shynymdy aıtsam»,  dedi Baǵıla Joldybaeva.  

«Jyl saıyn Almaty qalasynan 2000-nan astam jas ásker qataryna qosylady. Sońǵy kezderi sarbazdarǵa barlyq jaǵdaı jasalǵan, sondyqtan sizderdiń uldaryńyzǵa biz jaýaptymyz», dedi Almaty qalasy qorǵanys isteri jónindegi departament basshysy.      

«Árqashanda Qazaqstan qarýly kúshteriniń kóńil bólinýiniń arqasynda áskerı qyzmetti atqarýǵa barlyq jaǵdaı jasalǵan dep aıta alamyn. Balalaryńyzdyń ásker qataryna baryp, el tiregi, jer tiregi bolyp qaıtyp keletinen óz atymnan sendiremin», dedi Almaty qalasy qorǵanys isteri jónindegi departament basshysy Amantaı Úserbaev.

Merekelik shara konserttik baǵdarlamamen ulasyp, ánnen shashý shashyldy.

 

 

ALMATY

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar