Rýhanııat • 11 Jeltoqsan, 2019

Dástúrli mýzyka ortalyǵynda aqyn-jyraýlyq ónerdiń asyl murasy jınaqtalǵan

16 retkórsetildi

Mýltımedııalyq  dástúrli mýzyka ortalyǵynda qazaq halqynyń án, kúı, aqyn-jyraýlyq ónerin jasaýshy jáne búginge jetkizýshi óner tulǵalarynyń aspap-muralary ornalasqan. Mýltımedııalyq  dástúrli mýzyka ortalyǵy Elbasy, Qazaqstan Respýblıkasynyń Tuńǵysh Prezıdenti N.Á. Nazarbaevtyń tapsyrmasymen El Táýelsizdiginiń 25 jyldyǵyna jáne Almaty qalasynyń 1000 jyldyǵyna oraı ashylǵan bolatyn.

Ortalyqtyń bel ortasynda ornalasqan gologrammadan tórt óńirdiń belgili ókilderiniń oryndaýynda tanymal án-kúıler men jyrlardy tyńdaýǵa bolady. Al kelesi mýltımedııalyq zalda qazaq halqynyń san ǵasyrlyq óneri men mádenıetine saıahattaı otyryp, ár óńirde saqtalǵan mýzykalyq ónerimiz ben baı rýhanı-mádenıetimizdiń tereń tarıhymen tanysatyn bolasyz.

Dástúrli mýzyka ortalyǵynda seksenge jýyq ekspozııalar qoıylǵan. Ortalyq ekspozııasy Yqylas atyndaǵy halyq mýzykalyq aspaptar mýzeıi qorynda saqtaýly turǵan qazaqtyń tanymal óner tulǵalarynyń jádigerlerinen jasaqtaldy. Eksponattar qazaqtyń belgili óner tulǵalarynyń jádigerlerinen turady. Eksponattar óńirlik tórt mektepke jiktelip ornalasqan:

Arqa ánshilik, sal-serilik jáne kúıshilik mektebiniń aspap jádigerleri.

Jetisý ánshilik, jyraýlyq-jyrshylyq jáne kúıshilik mektebiniń aspap jádigerleri.

Batys ánshilik, jyraýlyq-jyrshylyq jáne kúıshilik mektebiniń aspap jádigerleri.

Ońtústik jáne Syr boıy ánshilik, jyraýlyq-jyrshylyq jáne kúıshilik mektebiniń aspap jádigerleri.

Ortalyqta Jetisýdiń júırikteri Jambyl men Kenenniń, Syrdyń sańlaqtary Nartaı men Myrzabektiń (Qyzyl jyraý), Batys án-kúı mektebiniń kórnekti ókilderi Dına men Mahambettiń, Arqa ánshilik mektebiniń tulǵalary Abaı men Birjan saldyń dombyralary bar. Sonymen qatar, bul ortalyqty Elbasy arnaıy kelip ashyp, dombyrasyn syılap, belgili kúıshi Dına Nurpeıisovanyń músinin ortalyqqa syıǵa tartqan bolatyn. Ulttyq jádgerlerdi nasıhattaý maqsatynda stýdentter men mektep oqýshylaryna, sondaı-aq qala túrǵyndary men qonaqtaryna arnaıy ekskýrsııalar uıymdastyrylyp turady. Málimettermen http://kazmuscenter.kz saıtynan tanysýǵa bolady.

 

ALMATY

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar