Úkimet • 11 Jeltoqsan, 2019

Úkimette joǵary oqý oryndaryn ońtaılandyrý máselesi talqylandy

16 retkórsetildi

Premer-Mınıstrdiń orynbasary Berdibek Saparbaev QR Úkimetiniń janyndaǵy Qazaqstan Respýblıkasynyń joǵary oqý oryndaryn ońtaılandyrý jónindegi komıssııa otyrysyn ótkizdi. Bul týraly primeminister.kz habarlady. 

«Memleket basshysy Qasym-Jomart Toqaev Úkimetke «dıplomdardy basyp shyǵaryp beretin keńselerge» aınalǵan joǵary oqý oryndaryna qatysty qatań sharalar qabyldaýdy tapsyrdy. Búginde elimizde 132 JOO jumys isteıdi, onyń 43%-y jekemenshik. Olarda 600 myńnan asa stýdent oqıdy, onyń ishinde 191 myńy - memlekettik tapsyrys aıasynda bilim alady. О́kinishke oraı, bilim berý sapasy týraly biz eńbekke ornalasý deńgeıi boıynsha ǵana tujyrym jasaı alamyz - árbir tórtinshi túlek - jumyssyz», - dedi B. Saparbaev.

Bilim jáne ǵylym mınıstri Ashat Aımaǵambetovtyń aıtýynsha, bıyl 34 JOO-da tekserý júrgizildi, onyń ishinde 22-si jospardan tys tekserý boldy.

«Taldaý kórsetkendeı, kóptegen JOO-larda zańnama talaptaryn buzýǵa jol beriledi. Keń taraǵan problemalar - shtattyq birlik pen oqytýshylyq-professorlyq quramnyń dárejesiniń jetkiliksizdigi, túlekterdiń eńbekke ornalasýynyń tómen deńgeıi, bilim alýshylardyń mınımaldi kontıngentine talaptardyń saqtalmaýy, oqý alańdary men jataqhanalardyń jetkiliksizdigi. Bul problemalar JOO-lardyń tómen áleýetimen tikeleı baılanysty, ıaǵnı, olarǵa joǵary bilim berýdiń belgilengen standarttaryn qamtamasyz etýge múmkindik bermeıdi», - dedi mınıstr.

Sonymen qatar shekti ball almaǵan abıtýrıentterdi, beıindi pánderdi eskermeı qabyldaý, bilim týraly qujattary, UBT tapsyrý sertıfıkattary bolmaǵandardy qabyldaý jáne basqa da óreskel buzýshylyqtar oryn alǵan. 

Tekserýler nátıjesinde bes joǵary oqý ornynyń lısenzııasy toqtatylyp, ákimshilik aıyppuldar salyndy, taǵy bes JOO boıynsha sheshimder qabyldanýda.  

Sonymen qatar, Bilim jáne ǵylym mınıstrligine JOO-lardyń lısenzııalaryn qaıtaryp alý jáne alyp qoıý quzyretin berý máselesi pysyqtalýda, elimizdiń jetekshi joǵary oqý oryndarymen joǵary bilim berý sapasyn jaqsartý boıynsha normatıvtik-quqyqtyq baza jetildirilýde. 

«Alaıda, mundaı praktıka barlyq joǵary oqý oryndarynda baıqalyp otyrǵan joq. Bizdiń elimizde sheteldik oqý oryndarynan kem túspeıtin myqty JOO-lar jetkilikti», - dedi A. Aımaǵambetov.

Otyrysta «Qaınar» akademııasynyń, Qazaq eńbek jáne áleýmettik qatynastar akademııasynyń, Kaspıı qoǵamdyq ýnıversıtetiniń, «Almaty» ýnıversıtetiniń, Ortalyq Azııa ýnıversıtetiniń, Almaty ekonomıka jáne statıstıka akademııasynyń, Qazaq jol qatynastary ýnıversıtetiniń rektorlarynyń baıandamalary tyńdaldy, olardy tekserý kezinde buzýshylyqtar anyqtalǵan bolatyn. 

Osyǵan baılanysty mınıstrlik JOO-lardyń basshylyǵymen birlesip oqý oryndaryn biriktirý nemese olardy kolledj retinde qaıta qurý máselelerin pysyqtaýda. Eger JOO-lar buzýshylyqtaryn joımasa, onda lısenzııalaryn qaıtaryp alý jáne jabý úshin másele olarmen sot tártibinde sheshiletin bolady.  

Keńesti qorytyndylaǵan vıse-premer joǵary bilim berý salasyndaǵy birqatar problemalyq máselelerdi atap aıtty. Olardyń qatarynda oqytýdyń tómen sapasy, sybaılas jemqorlyqtyń joǵary deńgeıi, ǵylymı-zertteý jumystarynyń nashar damýy, kásiporyndarmen baılanystyń nasharlyǵy, oqytýshylardyń jalaqy deńgeıiniń tómen bolýy, memlekettik bilim berý tapsyrysynyń jasalý jáne ornalastyrylýynyń ashyq emestigi jáne t.b. bar. 

«Joǵary bilim berý sapasyn arttyrý - bul bizdiń elimizdiń básekege qabilettiligin qamtamasyz etýdegi negizgi másele. Sondyqtan biz oǵan barynsha baıyppen qaraýymyz kerek. Bizge quzyreti tómen, suranysqa ıe emes mamandardy daıarlaıtyn ýnıversıtetter ne úshin qajet, jumyssyzdar qataryn kezekti ret kóbeıtý úshin be? Olarǵa qatysy lısenzııalaryn qaıtaryp alýǵa deıin óte qatań sharalar qoldanylatyn bolady!», - dep túıindedi Berdibek Saparbaev.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar