Rýhanııat • 11 Jeltoqsan, 2019

«Jýsan» operasııasy jaıly qoıylymnyń premerasy ótti

150 retkórsetildi

Hadısha Bókeeva atyndaǵy Batys Qazaqstan oblystyq qazaq drama teatry Qazaqstanda alǵash ret Prezıdent pármenimen júzege asyrylǵan «Jýsan» operasııasy jaıly spektakldi kórermenge usyndy.

«Semser» ádebı syılyǵynyń ıegeri Marlen Ǵılymhannyń «Jýsan» psıhologııalyq dramasynda sodyrlardyń soıylyn soǵyp, dúmshelerdiń sońynan ergen jandardyń janaıqaıy, jan arpalysy sýretteledi. Shızofrenııalyq, gallıýsınasııalyq beınelerdiń arasynda adasqan, sandyraqtaýdan, jabyrqaýdan, úreılenýden sharshaǵan jas jigittiń jaı-kúıi, bastan keshken oqıǵalary ashyq aıtylady. Sırııadaǵy soǵys aımaǵynan Prezıdent pármenimen júzege asyrylǵan «Jýsan» gýmanıtarlyq operasııasy arqyly elge qaıtqandardyń taǵdyry kórsetilgen premeraǵa kelgen kórermenniń qarasy kóp boldy. Tipti kórermen zalynan oryn jetpegen biraz jurt qoıylymdy tikesinen tik turyp tamashalady.

- Qoıylymnyń basty keıipkeri – Jádiger esimdi jas jigit. Ol Sırııaǵa soqyr senimmen adasyp baryp, jaraqat alyp, «Jýsan» operasııasy arqyly elge oralǵan. Basyna tıgen soqqy áserinen ótken ómirin umytyp qalǵan Jádigerdiń Sırııadaǵy jáne Otanyna oralǵan kezdegi ómiri eki keńistikte qatar ótip jatady. Tipti ony shynaıy ómirge qaıta oraltýshy tergeýshi men psıholog ta keıipkerdi kórshisi men anasy rólin qatar alyp júredi. Qoıylymda Jádiger ýaǵyzda aıtylatyn haq ıslam ornaǵan halıfat pen Sırııadaǵy shynaıy ómirdiń aspan men jerdeı ekenin óz kózimen kórip, sezinedi. Biz osy qoıylym arqyly árdaıym máseleniń ekinshi qyryna nazar aýdaryp, kórermendi «aıdyń arǵy betine úńilýge» shaqyrdyq, - deıdi avtor.

Qoıylymnyń rejısseri – «Eńbek dańqy» tósbelgisiniń ıegeri Samal Ábýov bolsa, sýretshisi - «О́ner salasynyń úzdigi» tósbelgisiniń ıegeri Murat Mámbetov. Spektakldiń jan tolqytar sazdy bóligin dybys rejısseri Erjan Qajymov qoıdy. Basty róldi jas akter Quralbek Qatshaev somdasa, psıholog Ajardyń beınesin Qazaqstannyń eńbek sińirgen qaıratkeri Ásel Mámbetova áserli jetkizdi.

- «Jýsan» jas aqyn Márlen Ǵılymhannyń dramatýrgııa janryndaǵy tyrnaqaldy týyndysy bolsa da óte sátti shyqqan eken. Taqyryptyń kúrdeli qoǵamdyq máseleni kótergen ózektiligi aıtpasa da belgili ǵoı. Avtor qoıylymynda taqyryptyń syrtqy qabatyn ǵana alyp qoımaǵan, ishki adamdyq ıirim, psıhologııalyq ahýalǵa kóńil bólip, adamdy emes, adamnyń ishki bolmysyn sóıletýge kúsh salǵan eken. Avtordyń kórkem mátinin qoıýshy rejısser Samal Ábýov te sheberlikpen alyp shyqqan. Tehnologııa qansha damyǵanmen, adamnyń ekige jarylýyn, sana aǵymyn sahnalaý ońaı sharýa emes. Alaıda avtor men qoıýshy rejısserdyń qııaly, dekorasııa men bı kompozısııalary ádemi jymdasyp, tutas kompozııasııalyq dúnıe sahnalandy dep oılaımyn. Kóp sózdi, uzaq-sonar dıdaktıka da bolǵan joq, tyń, psıhologııalyq áserli dúnıe týdy, - deıdi qoıylymdy tamashalaǵan Mahambet О́temisuly atyndaǵy Batys Qazaqstan memlekettik ýnıversıteti qazaq fılologııasy kafedrasynyń aǵa oqytýshysy, PhD doktor Aıdarbek Aqbolatov.

Aıta keteıik, «Jýsan» qoıylymynyń alǵashqy kúngi premerasyn Batys Qazaqstan oblysyndaǵy mádenıet salasy basshylary tamashalap, oblys ákimi Ǵalı Esqalıevtiń atynan yqylas gúli tartý etildi.

 

Batys Qazaqstan

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar