Qoǵam • 11 Jeltoqsan, 2019

Mahambet ýnıversıteti úzdikterin anyqtady

73 retkórsetildi

Mahambet О́temisuly atyndaǵy Batys Qazaqstan memlekettik ýnıversıteti Jastar jylyn qorytyndylap, ár túrli sala boıynsha úzdik stýdentterine «BQMÝ Juldyzy» syılyǵyn tabys etti.

Sharada oblystyq, respýblıkalyq, halyqaralyq deńgeıde ótkizilip júrgen bilim men ǵylym dodalarynda, sporttyq saıystar men shyǵarmashylyq baǵytta ýnıversıtet namysyn qorǵap, bıik belesti baǵyndyrǵan stýdentter 9 atalym boıynsha marapattaldy.

Sóıtip, «Úzdik stýdent» ataǵyna Tuńǵysh Prezıdent atyndaǵy ataýly shákirtaqy ıegeri, Almaty qalasy NARHOZ ýnıversıtetinde ótkizilgen «Ekonomıkalyq teorııa» páninen Respýblıkalyq stýdenttik pándik olımpıadanyń jeńimpazy, «Jas zertteýshiler – gúldenýshi Qazaqstannyń bolashaǵy» atty Halyqaralyq festıval aıasynda ótken «BQO-nyń áleýmettik salasyn qarjylandyrý» atty ǵylymı jobalar konkýrsynyń 3 oryn ıegeri Hadısha Qoılanova ıe boldy.

Mádenıet jáne óner fakýltetiniń stýdenttik dekany, «Mahambet jastary» stýdenttik qurylys jasaǵynyń komandıri, ýnıversıtettiń qoǵamdyq ómirine belsene aralasyp, rektordyń «Qurmet Gramotasyn» ıelengen Nursultan Abaıuly «Jas kóshbasshy» atandy.

QR «BILIM ORKENIETI» ulttyq ınnovasııalyq ǵylymı zertteý ortalyǵynyń uıymdastyrýymen ótken respýblıkalyq «Úzdik stýdent» baıqaýynyń jeńimpazy, talaı respýblıkalyq, halyqaralyq saıysta top jaryp júrgen Raıymbek Qaıratuly «Jas ǵalym» syılyǵyn ıelendi.

Sondaı-aq Frıstaıldan Máskeý qalasynda ótkizilgen Halyqaralyq ashyq chempıonatynda júldeli 2 oryn ıegeri atanǵan Aıbolat Qubashev «Jas talant» syılyǵyn alsa, sambodan birneshe úrkin respýblıka chempıony Erasyl Baqyt «Úzdik sportshy» ataǵyn ıelendi. Fızıka-matematıka fakýltetiniń III kýrs stýdenti Aıymbek Sarymsaqov - «Úzdik pikirsaıysshy» atansa, Mádenıet jáne óner fakýltetiniń Mádenı tynyǵy jumysy mamandyǵynyń MTJ-41 toby – «Úzdik top» ataǵyn bir aýyzdan ıelendi. Bul marapat top kýratory Gúljazıra Jumaǵalıevaǵa tabystaldy. Sonymen birge «Jastar jyly» aıasynda ýnıversıtet ishinde salaýatty ómir saltyn arttyrýǵa baǵyttalǵan «Dostyq kýbogy» - eń úzdik joba atandy.

Mahambet О́temisuly atyndaǵy Batys Qazaqstan memlekettik ýnıversıtetiniń rektory Nurlan Serǵalıev Jastar jyly ýnıversıtet deńgeıinde jaǵymdy jańalyqpen qorytyndylap otyrǵanyn jetkizdi.

- Alash arysy Ahmet Baıtursynulynyń «Erim deıtin el bolmasa, elim deıtin er bolmas» degen qanatty sózi Elbasy úndeýinde aıtylǵan «Men órkendegen Qazaqstan – eń aldymen memleketi ózin qorǵap, qoldaıtynyn, qamqorlyq jasaıtynyn sezinetin, tıisinshe elin jan júregimen súıetin, ózderine senimdi adamdar dep sanaımyn» degen sózimen úndesip jatyr. Jastar jylynyń qorytyndylanýymen tuspa-tus kelgen taǵy bir erekshe jańalyq – stýdent shákirtaqysy ósetin boldy. Prezıdent Qasym-Jomart Toqaev 2020 jyldyń 1 qańtarynan stýdentterdiń shákirtaqysy 25 paıyzǵa ósetinin málimdep, jastardy bir qýantty. Prezıdent tapsyrmasyna sáıkes ǵylym jolynda izdenisin bastaǵan jas ǵalymdar, ıaǵnı magıstranttar men doktoranttardyń da shákirtaqysy 25 paıyzǵa ósetin boldy. Bul stýdent jastar úshin ǵana emes, bilim-ǵylym jolynda talpynys jasaǵan jas ǵalymdarǵa degen áleýmettik qoldaýdyń jarqyn úlgisi dep bilemiz, - deıdi Nurlan Serǵalıev.

 

Batys Qazaqstan

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar