11 Jeltoqsan, 2019

Salyq sektoryndaǵy jańalyqtar túsindirildi

19 retkórsetildi

3 jeltoqsanda  Saýda kásiporyndary qaýymdastyǵy, Tikeleı satýlar  qaýymdastyǵy, Shaǵyn jáne orta bıznesti qorǵaý  jónindegi kásipodaqtardyń táýelsiz odaǵy, Qazaqstannyń táýelsiz avtobıznes odaǵy, «Ýchet.kz»  kompanııalar toby  prezıdentke saýdamen aınalysatyndar úshin patentterdi qaldyrý jáne patent úshin kassalyq apparattardy paıdalaný normasyn basqa merzimge aýystyrý týraly ótinish bildirgen bolatyn. Kásipkerler «bızneske ótpeli kezeń qajet» degen pikirinen áli kúnge deıin tanbaı otyr.

Osyǵan baılanysty Respýblıkalyq kásipkerlerge kómek kórsetý ortalyǵynyń dırektory Dmıtrıı Kazansev almatylyq jýrnalısterdiń basyn qosyp,   2020 jyldyń 1 qańtarynan bastap saýda salasynda patent boıynsha jumys isteıtin kásipkerler salyq salý rejımin aýystyrý  týraly pikirin bildirdi. Onyń túsindirýinshe,  kásipker muny ózi istemeıtin bolsa, onda ony salyq salýdyń jalpyǵa belgilengen rejımine  avtomatty túrde aýystyrady.  Bul rette kásipker bir jyl ishinde salyq salý rejımin basqasyna aýystyra almaıdy. «Salyq kodeksindegi ózgeristerge 2017 jyldyń sońynda qol qoıylyp, kezeń-kezeńimen kúshine endi. Opponentter  aldynda  pikirińizdi qorǵaýǵa ýaqyt jetkilikti boldy. Bul kerek zań, ol  saýdanyń 80%-yn kóleńkeden shyǵarýǵa múmkindik beredi»  deıdi D. Kazansev.

Qazaqstanda shamamen 500 myń saýda kásiporny bar.  Olardyń barlyǵy túsetin  tabysty boljap, salyqty aldyn ala tóledi. Mysaly,  bir toqsanda  JK 300 myń teńge tabady, tıisinshe, 2% salyq tóleıdi. Teorııalyq turǵydan, 3 aı ótkende kásipker óz esebin túzetýi tıis. Soma ne kóp ne az bolýy múmkin.  

«Patent bolǵaly beri eshkim muny jasamady. Sondyqtan, saýdada  tabystyń jasyrylatyndyǵyn  bári jaqsy túsinedi. Toqsandyq  tabys árdaıym birkelki  bola almaıdy. Patent pen jeńildetilgen rejım arasyndaǵy salyq boıynsha aıyrmashylyq 1%, ıaǵnı patentte 2% aldyn- ala tólenedi, al jeńildetilgen rejımde 3 paıyz fakti  boıynsha  tólenedi. Demek  kásipker jarty jyl ishinde salyqqa bólingen  aqshany aınaldyra  alady. Al 2020 jyldyń 1 qańtarynan bastap kásipkerler 3 jyl boıy osy negizgi salyqty tólemeıtinine baılanysty, bul másele boıynsha  aıyrmashylyq aıtarlyqtaı bolmaıdy» deıdi P. Kazansev.

Sondaı-aq 2020 jyldan  bastap patentpen isteıtinderde, ıaǵnı qolma-qol aqshamen  jumys isteıtinderde kassalyq apparat bolýǵa tıis. Bul tutynýshylardyń quqyqtaryn qorǵaý degen sóz. Qaýymdastyqtar kásipkerler buǵan 39 mlrd teńge jumsaýy tıis dep sanaıdy.

Bul sannyń qaıdan  shyqqandyǵy belgisiz.

«Qazir tegin kassalyq apparattar  bar, 30 000 teńgeligi bar,  sonymen qatar kassalyq apparatty satyp alý úshin memleket kásipkerge 60 000 teńgege deıin óteıdi, ıaǵnı  kásipkerlerdi kassalyq apparattarǵa óz esebinen  aýdarady» deıdi P. Kazansev.

Sondaı-aq P. Kazansev  POS-termınaly týraly   da pikirin bildire ketti.  «Bireýlerge  bankter olardy  paıdalanýǵa beredi, POS – termınaldardyń 20 000 teńge kólemindegi analogtary bar. Al  kelesi jyldan bastap aqsha aýdarymdary POS - termınaldarǵa teńesedi, ıaǵnı olarǵa qarjy jumsaýdyń qajeti joq. Qazir tipti kásipkerlerge  jeke tulǵalar arasyndaǵy aýdarymdardy paıdalanýǵa ruqsat etildi, tek chektiń bolýy shart» deıdi P. Kazansev.

 

 

ALMATY

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar