Qazaqstan • 11 Jeltoqsan, 2019

Qazaqstan Elshisi Latvııa Prezıdentine senim gramotalaryn tapsyrdy

9 retkórsetildi

Qazaqstan Respýblıkasynyń Latvııa Respýblıkasyndaǵy Elshisi Tımýr Pirimbetov Latvııa Respýblıkasynyń Prezıdenti Egıls Levıtske senim gramotalaryn tapsyrdy. Bul týraly Syrtqy ister mınıstrliginiń baspasóz qyzmeti habarlady. 

Senim gramotalaryn tapsyrý rásimi sheńberinde Latvııa Respýblıkasynyń Prezıdentimen jeke suhbat óte jyly jáne ózara senim negizinde ótti.

27 jyl buryn Qazaqstan Respýblıkasy men Latvııa Respýblıkasy dıplomatııalyq qarym-qatynastardy ornatty (1992 jylǵy 10 jeltoqsan).

Kezdesý barysynda taraptar ekijaqty yntymaqtastyqtyń barlyq salalaryn odan ári keńeıtý men tereńdetýge, sondaı-aq  eki eldiń tranzıttik-kóliktik áleýetin, bilim berý, týrızm, farmasevtıka, IT jáne jasyl tehnologııalar, kıberqaýipsizdik jáne t.b. salalardy ilgeriletýge ózara qyzyǵýshylyq bildirildi.   

Prezıdent E.Levıts Qazaqstandy óńirdegi basty saýda-ekonomıkalyq áriptesi, sonymen qatar Ortalyq Azııadaǵy turaqtylyq jáne qaýipsizdik ortalyǵy retinde qarastyratynyn atap ótti. 

Latvııalyq kóshbasshy Qazaqstannyń Prezıdenti Qasym-Jomart Toqaevqa jáne Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevqa izgi tilekterin jetkizip, Qazaqstan halqyn kele jatqan Táýelsizdik kúnimen quttyqtady. 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar