Rýhanııat • 11 Jeltoqsan, 2019

Almatylyqtar Murat Nasyrovty eske aldy

107 retkórsetildi

Búgin Almatyda Respýblıka saraıynda Dılnaz Ahmadıevanyń uıymdastyrýymen belgili sazger, aqyn jáne ánshi Murat Nasyrovty eske alý keshi ótti.

Sharaǵa marqumnyń zaıyby men baýyrlary, sondaı-aq sahna sheberiniń ónerin umytpaǵan qaýym jınaldy. Bul týraly Almaty qalasy ákimdiginiń baspasóz qyzmeti habarlady.

Konserttik baǵdarlamada qazaq estrada juldyzdary sondaı-aq Máskeýden ánshiler kelip, sazgerdiń kórermen arasynda keńinen tanymal bolǵan ánderin shyrqady. 13 jeltoqsanda Murat Nasyrovtyń týǵan kúni.

Tiri bolsa, búginde ánshi 50 jasqa tolar edi.

Eske alý sharasy «Rýhanı baǵdarlama» sheńberinde uıymdastyryldy.

«Mundaı talantty adamdar bizdiń ónerimiz úshin kerek, aramazydan erte ketkeni ókinishti»  dep eske alady  shákirtteri men dostary.

«Men «Kto-to prostıt» pen «Lovıla lıýbov» ánderin oryndaımyn. Mundaı keshterde osy ánderdi oryndaý arqyly biz óz repertýarymyzdy tolyqtyra alamyz. Mysaly «Kto-to prostıt» ánin oryndaýǵa ruqsat aldym, aldaǵy ýaqytta men ony óńdep shyǵaramyn», – dedi ánshi Aıqyn Tólepbergen.  

«Men eń alǵash ret 2007 jyly Super Star.kz jobasynda tikeleı efırde Murat Nasyrovtyń «Kto-to prostıt» ánin oryndadym. Sol kezde qatysýshylar arasynda eń kóp daýys jınaǵan edim. Sol úshin de osy ánniń kompozıtory Murat Nasyrovqa sheksiz alǵysymdy aıtamyn. Osy oqıǵa meni sazgermen baılanystyrdy dep aıta alamyn. Sol sebepti de mundaı talantty ártisterdi biz osyndaı keshter arqyly jıe eske alýymyz kerek», dedi ánshi Ádiljan Omarov.

 

ALMATY

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar