Rýhanııat • 11 Jeltoqsan, 2019

Almatyda músinshi Shoqan Tóleshtiń kórmesi ashyldy

31 retkórsetildi

Almatydaǵy Á. Qasteev atyndaǵy Memlekettik óner mýzeıinde belgili músinshi Shoqan Tóleshtiń 65-jyldyq mereıtoıyna arnalǵan «Qola músinder sımfonııasy» atty kórme ashyldy.

Kórmede zamanaýı músinshiniń 70-ten asa týyndysy usynylǵan. Onyń qolada, mármárda, aǵash pen shynyda oryndalǵan kompozısııalary syrtqy baıandaý men qurǵaq shyndyqtan ada. Kerisinshe, shyǵarmalar árdaıym jarqyn metafora, grotesk, kóp ólshemdilik pen beıneniń sımvoldyq tereńdigine ıe. Shoqan Tóleshtiń músindik týyndylary kúrdeli plastıkalyq formýlany bildiredi, olar ózderiniń dálelsizdigimen, lırıkalyq ótkirligimen jáne plastıkalyq órneginiń mánerliligimen qyzyqtyrady. Adam men onyń aınalasyndaǵy álem arasyndaǵy tragedııalyq qarama-qaıshylyq taqyryby, onyń qudaıshyl tabıǵatyna jat shyndyqty ekzıstensıaldyq «tastalǵandyq» ıdeıasy («Qulaý», «Ydyraý», «Tyǵyryqqa tirelý») Sh. Tóleshtiń búkil shyǵarmashylyǵynyń tarmaǵy arqyly ótedi. Sondaı-aq ekspozısııada kóshpendilerdiń ejelgi tarıhyna arnalǵan, epıkalyq jáne mánerli beınelerimen erekshelenetin «Saq jaýyngeri», «Ǵun Atılla», «Tomırıs» sııaqty týyndylary bar. Stanokty plastıkadan bólek, Sh. Tólesh monýmentaldy saıabaq músini salasynda sátti jumys isteıdi. Ol Qazaqstannyń ár túrli aımaqtarynda ornatylǵan birqatar eskertkishter men kompozısııalardyń avtory.  

Tólesh Shoqan Álmahambetuly 1954 jyly 1 tamyzda Almaty qalasynda dúnıege kelgen. 1978 jyly N. Gogol atyndaǵy AKÝ-di, keıin 1984 jyly Abaı atyndaǵy Qazaq pedagogıkalyq ınstıtýtynyń kórkemsýret-grafıka fakýltetin bitirgen. 1988 jyldan T. Júrgenov atyndaǵy Qazaq Ulttyq óner akademııasynda músinnen sabaq berdi. QR О́ner akademııasynyń akademıgi, 1990 jyldan QR Sýretshiler odaǵynyń jáne QR Sýretshiler odaǵy basqarmasynyń múshesi, Eýrazııalyq shyǵarmashylyq gıldııasynyń múshesi (London), 1978 jyldan respýblıkalyq jáne halyqaralyq kórmelerdiń qatysýshysy.

Shoqan Tóleshtiń shyǵarmashylyǵy álemniń kóptegen elderinde tanymal. Shveısarııa, Lıhtenshteın knıazdyǵynda, Londonda, Egıpette, Máskeýdegi kórmelerdiń qatysýshysy. Shoqan Tólesh «Art-Sentr» máskeýlik uıymymen yntymaqtastyqta, tanymal mádenıet qaıratkeri Z. Seretelı jetekshilik etetin Reseıdiń Kórkemsýret akademııasynyń jobalaryna qatysady. «Eren eńbegi úshin», «Úzdik shyǵarmashylyǵy úshin», «Qazaq óneriniń qaıratkeri» medaldarymen marapattalǵan.

 

 

ALMATY

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar