100 • 11 Jeltoqsan, 2019

Aqtoty Raıymqulova «Egemen Qazaqstan» gazeti ujymymen kezdesti

108 retkórsetildi

Mádenıet jáne sport mınıstri Aqtoty Raıymqulova gazet qyzmetkerlerimen júzdesip, mınıstrlik tarapynan taǵaıyndalǵan marapattardy tabys etti.

Mereıli kezdesýde basylym basshysy Darhan Qydyráli jıynǵa qatysqan gazet ardagerlerine «Egemen Qazaqstan» gazetiniń 100 jyldyq merekelik medalin tabys etti. 

Mınıstr Aqtoty Raıymqulova quttyqtaý sózinde Uly Otan soǵysynyń ardageri, jazýshy, ákesi Rahmetolla Raıymqulovty esine alyp, jınalyp otyrǵan ujymnyń ózine tańsyq emes ekenine, biraz tulǵalardy tanıtynyn atap ótti.

Gazette qyzmet etip júrgen barsha qyzmetkerdiń eńbegine bas ıemin, dep jyly esteligimen bólisken mınıstr sózin shyǵarmashylyq ujymǵa arnaǵan resmı quttyqtaý hatpen jalǵady.

«Sizderdi el gazetiniń 100 jyldyq mereıtoıymen quttyqtaımyn. Sonaý «Ushqynnan» jalyn laýlap, oqyrmanǵa jol tarta bastaǵan kezden beri irgeli basylym qazaq halqynyń ótkenin túgendep, ǵasyrlyq jylnamasyn tizbektep keledi. Bir kezderi úrkerdeı shoǵyrlanǵan ult zııalylarynyń óreli oıy men qasterli sózi, ózindik qoltańbasy qalǵan únjarǵy qazirgi tańdaǵy jalpyulttyq basylymǵa aınaldy. Uly dalanyń tórinen oryn alǵan salıqaly basylym aldaǵy ýaqytta da máńgilik eldiń bolmysyn búkpesiz baıandap, oıly oqyrmanyna qalqysyz qyzmet ete beretinine senimdimin», delingen quttyqtaý hatta.

«Egemen Qazaqstan»-nyń birinshi basylymy shyqqanynan bastap elde bolǵan san alýan oqıǵalardy áli kúnge deıin búkpesiz baıandap kele jatqan, orny erekshe basylym ekenin ardager jýrnalıster aıtyp, ózderi eńbek etken gazet tarıhynda bolǵan oqıǵalarmen bólisti.

Jıyn sońynda saltanatty mereıtoıǵa qatysýshylar estelik sýretke túsip, memleket tarapynan qoldaýǵa úlken rızashylyqtaryn bildirdi.

1234657910111315

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar