Ekonomıka • 11 Jeltoqsan, 2019

Otandyq jeńil ónerkásip óndirýshileriniń birinshi sezi ótti

39 retkórsetildi

Nur-Sultan qalasynda Otandyq jeńil ónerkásip óndirýshileriniń birinshi sezi ótti. QR IIDM jáne «Atameken» UKP uıymdastyrýymen ótken jıyn memlekettiń, bıznestiń jáne úkimettik emes uıymdardyń kúsh-jigerin biriktirýdi kózdeıdi. Bul týraly Indýstrııa jáne ınfraqurylymdyq damý mınıstrligi habarlady. 

Otandyq jeńil ónerkásip óndirýshileriniń birinshi sezine Qazaqstan Respýblıkasy Premer-Mınıstriniń orynbasary Roman Sklıar, Indýstrııa jáne ınfraqurylymdyq damý vıse-mınıstri Amanııaz Erjanov, «Atameken» UKP Basqarma Tóraǵasy Abylaı Myrzahmetov, Nur-Sultan qalasynyń ákimi Altaı Kólginov, sondaı-aq dızaınerler men ǵylymı orta ókilderi qatysty.

Is-shara aıasynda otandyq jeńil ónerkásip ónimderiniń kórmesi jáne otandyq sán brendteri «Utari», «Samidel», «I' m different», «Saukele», «Gulnara Kassym», «ZekenModa», «Inkar Sezim» etnostýdııasy men Qazaq tehnologııa jáne bıznes ýnıversıteti túlekteriniń qatysýymen «Jasampazdyq energııasy» sán kórsetilimi uıymdastyryldy.

Qazirgi ýaqytta jeńil ónerkásip salasynda 1057 kásiporyn jumys isteıdi. Onyń 13-i iri, 25-i orta jáne qalǵandary - shaǵyn kásiporyndar, ıaǵnı shaǵyn bıznes 96% quraıdy. Jeńil ónerkásip salasynyń kásiporyndarynda shamamen 13 myń adam eńbek etedi.

2015-2019 jyldarǵa arnalǵan ındýstrıaldy-ınnovasııalyq damý memlekettik baǵdarlamasy jeńil ónerkásipte jalpy somasy 19,6 mlrd teńgeni quraıtyn 20-dan astam mańyzdy jobany júzege asyrýǵa múmkindik berdi. 1,5 myń jańa jumys orny quryldy. Kórsetilgen kezeńde ónim shyǵarý kólemi 57% - ǵa ósti, negizgi kapıtalǵa ınvestısııalar 41% - ǵa ósti.

Shara barysynda Indýstrııa jáne ınfraqurylymdyq damý vıse-mınıstri Amanııaz Erjanov, ındýstrııalyq-ınnovasııalyq damý memlekettik baǵdarlamasy aıasynda 10 jyl ishinde jalpy ınvestısııa somasy 40,3 mlrd teńgeni quraıtyn 47 jańa joba iske qosylǵandyǵyn atap ótti.

Elimizde osy aralyqta sıntetıkalyq ıirimjip pen kilemderdi shyǵaratyn «Bal tekstıl» jáne «Nazar Tesktıl» fabrıkalary, maqta-mata ıirim jip pen aralas matalardy shyǵaratyn «Azala Kotton» men «Azala Testaıl», «Astana Iýtarııa» kıimderi, «AGF Grýpp» testıl ónimderi, «Álem BT» shulyq buıymdary, aıaq kıim jáne basqa da ónimderdi shyǵarý boıynsha jobalar iske asyryldy.

Búgingi kúni ekinshi deńgeıli banktermen nesıeleý tetigi aıasynda 6,0 mlrd teńge somasyna 26 jeńil ónerkásip jobasy maquldandy.

Budan basqa, úkimet 2019-2021 jyldarǵa arnalǵan jeńil ónerkásipti damytý jónindegi Jol kartasyn bekitti, ol kásiporyndardy shıkizatpen qamtamasyz etý, taýarlardyń zańsyz aınalymyna qarsy kúres júrgizý, qazaqstandyq qamtý úlesin arttyrý, ekonomıkalyq yntalandyrý sharalary, sondaı-aq júıeli qoldaý boıynsha 52 is-sharany kózdeıdi.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar