Parlament • 12 Jeltoqsan, 2019

Jymysqy jolmen kiristerdi jylystatý qatań qadaǵalanady

18 retkórsetildi

Parlament Májilisiniń Spıkeri Nurlan Nyǵmatýlınniń tóraǵalyǵymen ótken palatanyń jalpy otyrysynda qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl máseleleri boıynsha zańnamalyq túzetýler qaralyp, depýtattar zań jobasyna banktik emes tólem júıeleriniń qyzmetin retteýdiń tıimdiligin arttyratyn normalardy engizý máselesin kóterdi.

 Terrorızmdi qarjylandyrýǵa jol berilmeıdi

Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Bul qujatty depýtattardyń nazaryna Premer-Mınıstrdiń birinshi orynbasary – Qarjy mınıstri Álıhan Smaıylov usyndy. Onyń aıtýynsha, zań jobasyn ázirleý qajettigi 2021-2022 jyldary Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi Eýrazııalyq toptyń bizdiń eldi baǵalaýynyń ekinshi raýndyna daıyndalýǵa baılanysty týyndap otyr. Munda aldymen halyqaralyq standarttardy engizý jáne qarjy monıtorıngi salasynda ulttyq júıeni odan ári jetildirý eskerilgen. Osyǵan baılanysty klıentti tıisinshe tekserý, ishki baqylaý júrgizý jáne kúmándi operasııa týraly habarlama jiberý sııaqty qarjy monıtorıngi rásimderine ózgerister usynylady. Qarjy monıtorıngi salasyndaǵy ýákiletti organǵa retteýshi memlekettik organy joq qarjy monıtorıngi sýbektilerine qatysty ákimshilik quqyq buzýshylyq týraly hattamalardy toltyrýǵa quzyret beriledi. Blankettik normalardy joıý maqsatynda qarjy monıtorıngi sýbektileriniń ákimshilik quqyq buzýshylyqtar quramy qaıta qaraldy, táýekelderdi taldaý negizinde sanksııalar azaıtyldy.

– Qylmystyq jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl salasyndaǵy ýákiletti organdar úshin halyqaralyq ózara is-qımyl rásimderi, onyń ishinde qylmystyq aktıvterdi izdestirý jáne qaıtarý boıynsha rásimder reglamenttelgen. Halyqaralyq standarttardy iske asyrý maqsatynda zań jobasyna kommersııalyq emes sektordy terrorızmdi qarjylandyrý maqsatynda paıdalanýdan qorǵaýǵa baılanysty novellalar engizildi. Aqshany jylystatýǵa jáne terrorızmdi qarjylandyrýǵa qarsy is-qımyl máseleleriniń mańyzdylyǵyn eskere otyryp, Vedomstvoaralyq keńes qurý usynylady, – dedi mınıstr.

Sonymen qatar Birikken Ulttar Uıymynyń Qaýipsizdik Keńesiniń qararlaryn iske asyrý tetigin qurýǵa erekshe mán berilip otyr. Ulttyq zańnamaǵa terrorızmdi qarjylandyrýǵa jáne jappaı qyryp-joıý qarýyn taratýdy qarjylandyrýǵa jatatyn nysanaly qarjy sanksııalarynyń mehanızmderi engizilýde. Buǵan qosa terrorıstik turǵydan osal nysandardyń terrorızmge qarsy qorǵalýyn jetildirýge basymdyq beriledi.

Zań jobasyn talqylaý barysynda depýtattar kommersııalyq emes uıymdardyń tólemder men aqsha aýdarymdaryn retteý týraly másele kóterdi. Bul jerde aldymen qaıyrymdylyq qorlary men dinı uıymdardyń qyzmeti jaıynda sóz qozǵaldy.

– Memleket basshysynyń banktik emes tólemder salasynda pármendi baqylaýdy jolǵa qoıý týraly tapsyrmasyn oryndaý zańmen qamtamasyz etiledi. Bul rette osy normalardyń banktik emes tólem júıeleriniń belsendi damýyna kedergi jasamaýyna nazar aýdarý óte mańyzdy. Kiristerdi jylystatýǵa qarsy is-qımyldy jalaýlatyp júrip jalpy bıznes pen ekonomıkaǵa zalal keltirýge jol bermeý kerek. Iаǵnı, baqylaýdy kúsheıtýmen qatar, biz kásipkerlerdiń quqyqtary men zańdy múddelerin qorǵaýdy qamtamasyz etýge tıispiz, – dedi Májilis Tóraǵasy.

Qandastarǵa qolaıly jaǵdaı jasaý jetildiriledi

Jalpy otyrysta qaralǵan másele­lerdiń taǵy biri kóshi-qon prosesterin retteý týraly boldy. Bul rette depýtattar «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» zań jobasymen tanysyp, birinshi oqylymda maquldady.

Eńbek jáne halyqty áleýmettik qorǵaý mınıstri Birjan Nurymbetovtiń aıtýynsha, atalǵan zań jobasy Kóshi-qon saıasatynyń 2017-2021 jyldarǵa arnalǵan tujyrymdamasyna jáne ony iske asyrý jónindegi is-sharalar josparyna sáıkes ázirlengen. Zań jobasynyń mindetteri kóshi-qon zańnamasyn tıisti baǵyttar boıynsha jetildirýge negizdelgen. Onda Qazaqstanǵa kelgen etnostyq repatrıanttar men qonys aýdarýshylar úshin qolaıly jaǵdaılar jasaý, el ekonomıkasynyń qajettilikterin qamtıtyn qolaıly ınvestısııalyq klımat qurýǵa baǵyttalǵan syrtqy eńbek kóshi-qonynyń tıimdi júıesin qurý, halyqaralyq ozyq tájirıbeni eskere otyryp, zańsyz kóshi-qonnyń aldyn alý, kóshi-qon prosesterin retteý salasyndaǵy normatıvtik-quqyqtyq bazany keńeıtý baǵyttary eskerilgen.

– Qoldanystaǵy zańnamaǵa sáıkes, etnostyq qazaqtar oralman mártebesin alý úshin Qazaqstan táýelsizdik alǵanǵa deıin shet memlekettiń aýmaǵynda turý faktisin rastaýǵa tıis. Is júzinde 1991 jyldan keıin dúnıege kelgen etnostyq qazaqtar mundaı qujattardy bere almaıdy. Osyǵan baılanysty etnostyq qazaqtyń buryn Qazaqstan azamaty bolmaǵandyǵy basty krıterıı bolady. Ekinshiden, qandas baýyrlarymyzǵa qolaıly jaǵdaı jasaý úshin ótkiziletin qujattardyń tizbesi qaıtalanýyna baılanysty oralmandardyń turaqty túrde turýǵa ruqsat alýǵa jáne Qazaqstan azamattyǵyn alýǵa qujattardy bir mezgilde berý múmkindigi qarastyrylady. Qonys aýdarýshylardy ornalastyrý, jumyspen qamtý jáne beıimdeý jónindegi áleýmettik qyzmetter keshenin usyný maqsatynda qandastarǵa ǵana emes, qonys aýdarýshylarǵa da beıimdeý jáne yqpaldastyrý qyzmetterin kórsetý jónindegi ortalyqtardyń fýnksııalary keńeıtiledi, – dedi mınıstr.

Sondaı-aq B.Nurymbetov syrtqy eń­bek kóshi-qon salasyna qatysty ózge­ris­terge toqtaldy. Birinshiden, shetel­dik jumys kúshin tartý rásimin jetil­dirý maqsatynda sheteldik jumys kúshin tartýǵa ruqsattyń áreketin basqa ákimshi­lik aýmaqtyq birlikterge taratý kózde­ledi. Ekinshiden, sheteldik jumys tartýǵa kvotany ekonomıkalyq qyzmet túrlerine bólmeı, qyzmetkerler sanaty kategorııa­lar bólinisinde belgileý usynylady. Buǵan qosa atqarýshylyq is júrgizý boıynsha bereshegi bar adamdardyń ketýine shekteýler kózdelgen tolyqtyrýlar engizý, sheteldikterge turaqty turýǵa ruqsat berý úshin 4 AEK mólsherinde memlekettik bajdy engizý eskerilgen.

Osy zań jobasyn talqylaý barysynda depýtattar beıimdeý jáne yqpaldastyrý ortalyqtarynyń keıbir fýnksııalaryna mán berdi. Olar keıbir óńirlerdegi mundaı ortalyqtardyń qyzmetin qonys aýdarýshylar qajetsinbeıtinin, al bul úshin qosymsha shyǵyndar talap etiletinin sóz etti. Bul oıdy quptaǵan Nurlan Nyǵmatýlın rasynda kóship kelgender beıimdeý jáne yqpaldastyrý ortalyqtarynyń qyzmetine asa muqtaj emes ekenin, olardyń jańa mekenjaıǵa jaıǵasýy úshin memleket barlyq jaǵdaıdy jasaǵanyn aıtty. Osydan kelip atalǵan memlekettik mekemelerdiń jumysyn qazirgi zaman talabyna sáıkes qaıtadan retteý máselesi kóterildi.

Sońǵy jańalyqtar

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Jyldyń jumys jospary naqtylandy

Parlament • Búgin, 08:06

Yqpaldastyqqa serpin beretin sapar

Saıasat • Búgin, 08:02

Uly hakim ulaǵaty urpaqqa úlgi

Rýhanııat • Búgin, 07:58

Alysqa qulash sermeýge úndeıdi

Qoǵam • Búgin, 07:54

Abaı murasyn jańasha zerdeleý kerek

Rýhanııat • Búgin, 07:50

18 myń Abaı bar

Qoǵam • Búgin, 07:44

62 kóshege jańa ataý berildi

Aımaqtar • Búgin, 07:42

Mal urlaǵandar qatań jazalanady

Qoǵam • Búgin, 07:39

Túsim 5 mlrd teńgeden asady

Ekonomıka • Búgin, 07:36

Jańa týyndylar tanystyryldy

Aımaqtar • Búgin, 07:33

Ájeler mektebi

Rýhanııat • Búgin, 07:29

Shırazdyń kóz jasy (Hıkaıat)

Rýhanııat • Búgin, 07:28

Onlaın kitaphana – oqyrman talaby

Aımaqtar • Búgin, 07:27

Arqada aqtútek boran

Qoǵam • Búgin, 07:13

«Halal standarty» degen ne?

Qoǵam • Búgin, 07:11

Aqyl-oıdyń brendi

Rýhanııat • Búgin, 07:06

Et óńdeýde ese jibermedik pe?

Ekonomıka • Búgin, 07:05

Qostanaılyq dıqandar tuqym tappaı otyr

Ekonomıka • Búgin, 06:59

Uqsas jańalyqtar