Saıasat • 12 Jeltoqsan, 2019

Sybaılas jemqorlyqqa qarsy komıssııanyń otyrysy ótti

34 retkórsetildi

Aqordada Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl jónindegi komıssııanyń otyrysy ótti, dep habarlady Prezıdenttiń baspasóz qyzmeti.

Komıssııa sý resýrstary sala­syn­daǵy zańdylyqtyń saqtalýy, Mem­leket basshysynyń bıznesti zań­syz ákimshilik qysymnan jáne qyl­mys­tyq qýdalaý qaterinen kor­ǵaý jónindegi máselelerdi qarady.

Otyrysta Joǵarǵy sot, Bas proký­ratýra, Respýblıkalyq bıýdjet­tiń atqarylýyn baqylaý jónin­degi esep komıteti, Sybaılas jem­qor­lyqqa qarsy is-qımyl agent­tigi, Qarjy mınıstrligi, Ulttyq ekonomıka mınıstrligi, Indýstrııa jáne ınfraqurylymdyq damý mınıstrligi, Ekologııa, geologııa jáne tabıǵı resýrstar mınıstrligi, sondaı-aq «Atameken» UKP bas­shy­larynyń esepteri tyńdaldy.

Talqylaý barysynda komıs­sııa músheleri Ekologııa, geolo­gııa jáne tabıǵı resýrstar mınıstr­ligi Sý resýrstary komıte­ti­niń respýblı­kada sýmen qamta­masyz etý sapa­syn edáýir tómen­detýge jol bergen júıesiz olqylyqtaryna nazar aýdardy. Atap aıtsaq, gıdro­teh­nı­ka­lyq ny­sandardyń 42 paıyzy apat­­tyq jaǵdaıda tur, magıstral­dyq sý toraptaryndaǵy shyǵyndy azaı­tý, ońaltý jáne jańa ınfraqury­lymdar qurylysyna qatysty problemalar ótkir kúıinde tur.

Bıyl Komıtetti jáne onyń qurylymdyq bólimshe­lerin tekserý barysynda qymqyrý, qarjylyq zań buzýshylyqtar, bıýdjet qarajatyn tıimsiz josparlaý jáne paıdalanýdyń kóptegen faktisi anyqtaldy. Sonyń saldarynan zańdylyqtyń buzylýy boıynsha 26 usynym engizilip, shyǵynnyń jalpy somasy 8 mlrd-tan astam teńgeni quraıtyn 25 fakti boıynsha sot aldy tergeý jumystary bastaldy.  Sońǵy jyldary Sybaılas jemqorlyqqa qar­sy is-qımyl agenttigi Komıtettiń jáne oǵan qarasty uıymdardyń qyzmetkerleri tarapynan jasalǵan birqatar jemqorlyq qylmysty tir­kedi, olardyń barlyǵy qylmys­tyq jaýapkershilikke tartyldy.

Osyndaı sybaılas jemqorlyq quqyq buzýshylyqtarynyń jolyn kesý maqsatynda aıqyn ári ashyqtyq, izgilik qaǵıdattaryn keń túrde engizý jáne respýblıkada qoǵamdyq baqylaýdy júzege asyrý úshin arnaıy qurylǵan «Adaldyq alańy» jobalyq ofısi sheńberinde sybaılas jemqorlyqqa qarsy jumys júrgizýdiń mańyzdylyǵy atap ótildi.

Kásipkerlik erkindiginiń kons­tı­tý­sııalyq quqyǵyn iske asyrý má­selesi boıynsha Memlekettik hat­shy Qyrymbek Kósherbaev baqy­laý, qadaǵalaý qyzmeti salasyn­da keń aýqymdy zańnamalyq reformalar júrgizilgenin basa aıtty.

Bul oraıda kásipkerlik sýbek­ti­lerine qatysty qylmystyq isterdi tirkeý qysqartylyp, ákim­shi­lik jáne qylmystyq zańnama izgi­len­dirildi, sonymen qatar salyqtyq quqyq buzýshylyqty qylmyssyzdandyrýǵa  baǵyttalǵan normalar qarastyryldy.

Sonymen qatar respýblıkada zańsyz tekserý sany azaıyp, qaýip-qaterlerdi basqarýdy baǵa­laý júıesi engizildi jáne adamı fak­tordy boldyrmaýǵa, tekserý sýbek­tilerin derbes anyq­taýǵa múmkindik týǵyzatyn «TSOBT» (Tekserý sýbekti­leri men obektileriniń biryń­ǵaı tizilimi) aqparattyq júıesi ázir­lendi. Memlekettik organ­dar­dyń shaǵyn jáne orta bıznes­ke zańsyz aralasý faktileriniń aldyn alý jumystary belsendi júrgizilýde, sol arqyly myńnan astam kásipkerdiń quqyǵyn qorǵaý múmkin boldy. Elimizdiń barlyq óńirinde bıznes-jobalardyń sybaı­las jemqorlyqqa qarsy súıemel­denýin qamtamasyz etetin front-ofıster ashyldy.

Komıssııa sheshimimen memle­ket­tik organdarǵa sý resýrstaryn bas­qarý salasyndaǵy jobalardy iske asyrýda zańdylyqtyń saqta­lýyn tekserý jóninde quqyq qorǵaý organdarynyń tıimdi ju­mysyn úılestirýdi qamtamasyz etý, sondaı-aq bıznesti qor­ǵaý máselelerinde azamattyq-quqyq­tyq qatynastarda reıderlik fakti­lerdi shekteý boıynsha ádistemelik usynymdardy ázirleý tapsyryldy. Otyrysty qorytyndylaı kele, Komıssııa músheleri baqylaý-qadaǵalaý qyzmetin sıfrlandyrý máselesin jetildirýdi jáne sybaılas jemqorlyqqa qarsy is-qımyl jóninde jurtshylyq arasynda  aýqymdy aqparattyq jumys júr­gizýdi usyndy.

Sońǵy jańalyqtar

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Qyzylorda: Kásipkerler ótinishi eskeriledi

Aımaqtar • 24 Qańtar, 2020

Kókshetaýda saýda dúńgirshekteri buzylmaq

Aımaqtar • 24 Qańtar, 2020

Moskva zamanaýı ortalyqqa aınala ala ma?

Qazaqstan • 24 Qańtar, 2020

Uqsas jańalyqtar