Qoǵam • 12 Jeltoqsan, 2019

Volonterler bas qosty

16 retkórsetildi

Elordada Volonter jyly men Halyqaralyq volonterler kúnine oraı respýblıkalyq Volonterler forýmy ótti. Alqaly jıynda elimizdiń túkpir-túkpirinen kelgen izgi nıetti jastar bas qosty.

Aqparat jáne qoǵamdyq damý mınıstrligi men «Azamattyq bas­tamalardy qoldaý ortalyǵy» kommersııalyq emes aqsıonerlik qoǵamynyń volonterlik bastamalardy damytý maqsatynda eki kúnge josparlanǵan shara aıasynda elimizdiń úzdik volonterleri marapattaldy. 

Jastardy Halyqaralyq volonterler kúnimen quttyqtaýǵa kelgen Aqparat jáne qoǵamdyq damý mınıstri Dáýren Abaev «Eń aldymen, Qostanaı qalasynda ótken forýmda 2020 jyldy Volonter jyly dep belgileýdi usynǵan Vera Kım hanymǵa aıryqsha alǵysymdy bildiremin. Jalyndy jastardyń jylyn támamdap, Volonter jylyna qadam bastyq. Al osy sátte «Media-volonter» atalymynyń jeńimpazdaryn marapattaý men úshin asa mańyzdy bolyp tur. Sebebi volonterler ataq-abyroı úshin emes, júrek qalaýymen jumys isteıdi. Sondyqtan buqara halyqty osyndaı ıgi iske bastaýda medıa salasynyń mańyzy joǵary. Media-volonter qashan da aldyńǵy qatarda, kósh basynda bolýy tıis», dedi.

Al BUU-nyń Qazaqstandaǵy turaqty úılestirýshisi Norımasa Shımomýra óz kezeginde volonter­lerdi marapatymen quttyqtaı otyra, «Jýyrda Qazaqstannnyń bir aımaǵynda jumys saparymen boldym. Onda da osyǵan uqsas kezdesý uıymdastyryldy. Sol kezde buǵan deıin esh jerde almaǵan energııa alyp edim. Búgingi alǵan energııam odan da asyp tústi. Eń joǵary energııa – osynda! Qazirgi tańda men qyzmet etetin Birikken Ulttar Uıymynda álem boıynsha 8 myń erikti jumys isteıdi. Sonyń ishinde Qazaqstan azamattary da bar», dedi.

«Ulttyq volonterlik jeli» zańdy tulǵalar birlestigi uıym­das­tyrǵan shara jumysy birneshe sek­sııalarǵa bólingen. Qazaqstannyń barlyq óńirlerinen 200 kvotany, sondaı-aq 60 halyqaralyq kvotany qosa alǵanda, 1000-ǵa jýyq qatysýshy bolady. Sonymen birge «Qazaqstannyń Qyzyl Jarty Aı» qoǵamy, «Beeline Qazaqstan», BUU Volonterler baǵdarlamasy, BUU Áıelder qurylymy, IýNISEF sııaqty halyqaralyq uıymdardyń sarapshylary shaqyrtylǵan.

Mamandar bilim, ekolo­gııa, ujym­dyq eriktilik taqyryp­tar­ynda baıandama jasap, sheberlik synyptaryn ótkizdi. Forým ta­qyryptary halyqaralyq jáne ujymdyq eriktilikke de arnalǵan. Uıymdastyrýshylardyń aqpa­ratyna súıensek, jıynǵa 14 pen 82 jas aralyǵyndaǵy azamattar kel­gen. Árqaısysy osy saladaǵy ózi­niń tájirıbesimen bólisti. Máse­len, Qazaqstandaǵy shet memle­ketter elshileriniń jubaılary assosıasııasynyń vıse-prezıdenti Hıtomı Shımomýra Nur-Sultan qalasynda jyl saıyn ótetin jańajyldyq jármeńke týraly aıtyp berdi. Hıtomı Shımomýra Qazaqstandaǵy elshilikter usyn­ǵan lottardy satqannan kelgen aqshany muqtaj otbasylarǵa kerek-jaraqtaryn, múmkindigi shekteýli jandarǵa múgedekter arbasyn alýǵa jumsaıtynyn aıtty. Bıylǵy sharaǵa 53 elshilik pen 16 uıym atsalysqan. Sondaı-aq BUU sııaqty halyqaralyq uıymdar bıyl alǵash ret qatysypty. 

«Ulttyq volonterlik jeli» ZTB atqarýshy dırektory Tatıana Mır­onıýk «Búgin halyqaralyq mamandardan tájirıbe jınaýǵa zor múmkindik týyp otyr. Máselen, osy sharada erekshe kútimdi qa­jet ete­tin adamdarmen jumys isteý­di, teatr­lyq qoıylymdarǵa qatys­ty­rý týraly biraz sabaq aldyq», deıdi. 

2019 jyldyń úzdik volonter­lerine kelsek, «Ethno-volonter» atalymy boıynsha halqymyzdyń tarıhı-mádenı qundylyqtaryn dáripteýge atsalysqan Bekbolat Tólegenuly, «Ujymdyq volonter» atalymy boıynsha «Green Tal» seriktestiginiń qurýshysy Emın Áskerov, «Socio-volonter» atalymy boıynsha «Jeńis», «Talant syılaýshylar» áleýmettik jobalarynyń volonteri Bekjan Álisher, «Janýarlarmen jumys» atalymy boıynsha Svetlana Matıýh kósh bastady. «Tótenshe jaǵdaılar boıynsha erikti» – Tatıana Kosareva, «Halyqaralyq volonter» – Dınara Saranova, «Event-volonter» – Farhat Maky­shev marapattalyp, medısına salasyna úles qosqan erikti Arman Qasymov pen «Eco-volonter» Alan Besen, «Media-volonter» atalymy boıynsha Dıas Kamerıdanov ta úzdikter qatarynan kórindi.  Atalǵan volonterler TMD elderi aýmaǵyn aralaý múmkindigine ıe boldy.

 

Svetlana ǴALYMJANQYZY,

Raýan QABIDOLDA,

«Egemen Qazaqstan»

 

Sońǵy jańalyqtar

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Qyzylorda: Kásipkerler ótinishi eskeriledi

Aımaqtar • 24 Qańtar, 2020

Kókshetaýda saýda dúńgirshekteri buzylmaq

Aımaqtar • 24 Qańtar, 2020

Moskva zamanaýı ortalyqqa aınala ala ma?

Qazaqstan • 24 Qańtar, 2020

Uqsas jańalyqtar