Aımaqtar • 12 Jeltoqsan, 2019

«Qaıyrbolatty qaıtaryńdar!»

397 retkórsetildi

Mas kúıinde kólik júrgizip, kórshisiniń aýlasyn soqqan sheneýnikti qorǵaýǵa aýyldastary bel sheshe kirisken syńaıly.

Oqıǵa bylaı órbigen. Qyzyl­jar aýdany Iаkor aýyldyq okrýginiń ákimi Qaıyrbolat Cheh­manov tún qarańǵylyǵynda «aqańa» sylqııa toıyp alyp, shamasy rýlge ıe bola almasa kerek, bir úıdiń sharbaǵyn súze-múze toqtaǵan. Onyń aıaǵyn ázer basyp, táltirektep turǵan múshkil halin bir aýyldasy áleýmettik jeli arqyly taratyp jibergen. Oqys oqıǵa oblys basshylyǵyna deıin jetip, qaramaǵyndaǵy qyzmetkerlerge baqylaýdy bosańsytqany úshin aýdan ákimi Janat Sádýaqasovqa sógis jarııalaǵan. Osymen «is bitti, qý ketti» degendeı sońǵy núkte qoıylýy kerek edi. Joq, myna qyzyqty qarańyz. Eks-ákimniń bir top aýyldasy qol jınap, tıisti oryndarǵa hat joldaǵan. Onda Chehmanovtyń iskerlik qasıetteri búge-shigesine deıin tizilip, burynǵy qyzmetine qaıtarý suralǵan. Ol kelgeli aýyz sý, jol, jaryq máseleleri túbegeıli sheshilgen. Mektepke baratyn batpaq jolǵa qıyrshyq tas tóselip, kóshelerge ja­ryq shamdar ornatylǵan. Qor­­­ǵaý­shylardyń sózderine qara­ǵanda, qorshaýdy qıratty degen adamnyń sózi – japtym ja­la, jaqtym kúıe. Hat «dýalǵa esh­qandaı syzat túspegen. Bir qa­teligi úshin qyzmetten keti­rýmen kelispeımiz», degen úlken úmitke toly leppen aıaqtalǵan. BAQ ókilderi tarapynan beınetas­pa ıesi nege áleýmettik jelini shýlatyp júr degen suraqqa burynnan kele jatqan ishki egesi bar eken, «qaqpanyna» túsirip, bopsalaǵan kórinedi. Ol talaby oryndalmaǵan soń tórtkúl dúnıege taratyp jibergen, degen ýájdi alǵa tartady. Onyń aq-qarasyn tıisti oryndar anyqtaı jatar.

Bizdi tańǵaldyrǵany, laýazym tutqasyn bar-joǵy bir jyl ǵana ustaǵan eks-ákimniń osynsha orasan sharýa tyndyrǵany emes. Qyzyljar aýdandyq ákimdiginiń apparat jetekshisi Qýanysh Sarbalınovtyń málim­deýinshe, Q.Chehmanov óz er­kimen aryz jazyp ketkenge uqsaıdy. Oqıǵa bolǵanǵa deıin be, álde keıin be, ol arasy ashyp aıtylmaıdy. Ersi qylyǵymen kózge túsken áreketi Ádep kodeksine qaıshy bola tura jazasyz sytylyp ketýi qalaı degen zańdy suraq týady. Ágárákı, oqıǵa bolar kúnnen buryn óz yqtııarymen bosatylsa, qyzmettik kólikpen júrý quqyǵyn kim bergen? Aıta berse, dúdámal tustar kóp. Aýyl­dastary aıaq-qolyn jerge tıgiz­beı maqtaǵan sheneýniktiń jap-jaqsy qyzmetinen yń-shyń­syz taban jaltyratýy tú­siniksiz.

Jergilikti bılik ıakorlyq­tardan joǵarydaı belsendilik kútpegen bolý kerek, aýyldyq ákimdikke qaıta oralýyna qarsy emespiz degen ymyra kelisimge pátýalasqan sekildi. Biraq ákim retinde emes, qatardaǵy qyz­metkerdiń biri esebinde. Sóıtip kelisimshart boıynsha qyzmet usynylǵan. Osylaısha «Qaıyrbolatty qaıtaryńdar» degen talap tolyq oryndalmasa da bılikti biraz yǵystyryp alǵandaryna qaraǵanda kelesi jyly ótetin aýyl ákimi saılaýynda basty úmitker retinde usynyp jiberýleri de ábden kádik.

 

Soltústik Qazaqstan oblysy

 

Sońǵy jańalyqtar

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Jyldyń jumys jospary naqtylandy

Parlament • Búgin, 08:06

Yqpaldastyqqa serpin beretin sapar

Saıasat • Búgin, 08:02

Uly hakim ulaǵaty urpaqqa úlgi

Rýhanııat • Búgin, 07:58

Alysqa qulash sermeýge úndeıdi

Qoǵam • Búgin, 07:54

Abaı murasyn jańasha zerdeleý kerek

Rýhanııat • Búgin, 07:50

18 myń Abaı bar

Qoǵam • Búgin, 07:44

62 kóshege jańa ataý berildi

Aımaqtar • Búgin, 07:42

Mal urlaǵandar qatań jazalanady

Qoǵam • Búgin, 07:39

Túsim 5 mlrd teńgeden asady

Ekonomıka • Búgin, 07:36

Jańa týyndylar tanystyryldy

Aımaqtar • Búgin, 07:33

Ájeler mektebi

Rýhanııat • Búgin, 07:29

Shırazdyń kóz jasy (Hıkaıat)

Rýhanııat • Búgin, 07:28

Onlaın kitaphana – oqyrman talaby

Aımaqtar • Búgin, 07:27

Arqada aqtútek boran

Qoǵam • Búgin, 07:13

«Halal standarty» degen ne?

Qoǵam • Búgin, 07:11

Aqyl-oıdyń brendi

Rýhanııat • Búgin, 07:06

Et óńdeýde ese jibermedik pe?

Ekonomıka • Búgin, 07:05

Qostanaılyq dıqandar tuqym tappaı otyr

Ekonomıka • Búgin, 06:59

Uqsas jańalyqtar