Qoǵam • 12 Jeltoqsan, 2019

Qaıyrymdylyq jobalaryna 6 mlrd teńge bólgen qor

14 retkórsetildi

Bolat О́temuratov qory 2019 jyly óziniń qyzmetin keńeıtip, qaıyrymdylyq jobalaryna bólingen jalpy soma 6 mıllıard teńgeden asqan. Atalǵan kórsetkish ótken jylǵydan alty ese kóp. Bul týraly Nur-Sultanda ótken Qordyń Qamqorshylar keńesiniń qorytyndylary boıynsha baspasóz máslıhatynda aıtyldy. Jyl qorytyndylaryn Qamqorshylar keńesiniń músheleri Almaz Sharman, Oljas Súleımenov, Jánııa Áýbákirova jáne Qordyń dırektory Marat Aıtmaǵambetov shyǵardy.

2018 jyly Bolat О́temuratov qory jobalardy ártaraptandyrý jáne óziniń qaıyrymdylyq qyz­metin keńeıtý strategııasyn qa­byldap, ony jyl barysynda tabysty iske asyrǵan. Qamqorshylar keńesiniń tóraǵasy Almaz Shar­mannyń aıtýynsha, jalpy alǵanda 2019 jyly Qor bilim berý, densaýlyq saqtaý, mádenıet, ǵylym, tabıǵı náýbetter men tehnogendik apattardan zardap shegýshilerge qoldaý kórsetý, muq­taj jandar úshin turǵyn úı qurylysy salasynda toǵyz joba boıynsha jumys istegen. 

«Aýtızm. Barshamyzǵa bir álem» atty «Asyl Mıras» aýtızm ortalyqtary jelisin qurý boıynsha Qordyń negizgi jobasy 2015 jyldan beri iske asyrylýda. Úzdik álemdik ádistemeler boıynsha daıyndalǵan mamandar aýtıstik spektr aýytqýlary bar balalarǵa qajetti áleý­mettik, kommýnıkatıvtik, ómir­lik mashyqtardy damytýǵa kó­mektesedi. 2019 jyly «Asyl Mı­ras» ortalyqtarynyń sany segizge deıin ulǵaıdy. Nur-Sultan, Almaty, Aqtóbe, Qyzylorda, Oral jáne О́skemendegi orta­lyqtarǵa qosymsha biz Shym­kent pen Petropavlda jańa ortalyqtar ashtyq. «Asyl Mı­ras» baǵdarlamalaryna bes jyl­dyń ishinde barlyǵy 6 myńǵa jýyq bala, olardyń ishinde 2,5 myńnan astamy tek 2019 jyly qabyldandy. «Asyl Mıras» aýtızm ortalyqtarynyń barlyq qyzmetteri tegin», dep atap ótti A.Sharman.    

Quryltaıshynyń sheshimi boıynsha 2019 jyly Qazaqstan aımaqtarynda kóp balaly jáne turmysy tómen otbasylaryna bas­pana salý boıynsha «Balameken» atty jobasy bastalǵan. Qordyń qarajatyna Qyzylorda qalasynda 100 otbasyna jáne Arys qalasynda 100 otbasyna úıler turǵyzylǵan. Úılerdiń qurylysyna bólingen jalpy soma 1,3 mlrd teńgeni quraǵan. 

Sonymen qatar jıynǵa qa­tysýshylar Bas botanıkalyq baqty qaıta qurý jobasy belsendi iske asyrylyp jatqanyn jetkizdi. Qazirgi sátke deıin baqtyń ın­fra­­­qurylymyn jańǵyrtý, onyń aýmaǵyn abattandyrý,­ ja­ńa ósimdikter otyrǵyzý bo­ıynsha jumystar aıaqtalýǵa jaqyn. Qor dırektory Marat Aıtmaǵambetovtiń aıtýynsha, jobanyń basty prınsıpteri ósimdikterge kútim jasaý, sondaı-aq tolyq ashyqtyq bolyp tabylady.

«Joba áýel bastan ákimdiktiń, ákimdik janyndaǵy qoǵamdyq keńestiń, BAQ ókilderiniń qaty­sýymen qoǵamdyq tyńdaýda ke­lisilgen bolatyn. Bıyl biz azamattardan turatyn eki volonterlik top qurdyq. Birinshi top qaıta qurý boıynsha jumystardyń oryndalýyn qoǵamdyq baqylaýdy júzege asyrady, ekinshisi aldaǵy kóktemniń barysynda ósimdikter otyrǵyzýmen aınalysatyn bolady», dedi M.Aıtmaǵambetov.

Qazaqstannyń «Qyzyl Aı» qoǵamymen birlesip qor «Kómek kartasy» jobasyn iske asyrýda. Onyń sheńberinde jyldyń barysynda Qaraǵandy, Soltústik Qazaqstan, Aqmola jáne Almaty oblystarynda tasqyn sýdan zardap shekkenderge kómek kórsetilgen. Jalpy somasy 54 mıllıon teńge aqshalaı kómekti 400 otbasynan astam, olardyń qatarynda úıleri zaqymdalǵan adamdar, jalǵyz basty zeınetkerler, múgedekter, jalǵyz basty analar men kóp balaly turmysy tómen otbasylar alǵan. Sonymen birge Arystaǵy jarylystan zardap shekken 2 myń adamǵa 60 mıllıon teńge kóleminde kómek berilgen. Sonymen qatar «Burabike» sporttyq-mýzykalyq festıvali, Batyrhan Shúkenov atyndaǵy mýzykalyq konkýrsy da atalǵan qordyń aýqymdy sharalarynyń biri.

Sońǵy jańalyqtar

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Qyzylorda: Kásipkerler ótinishi eskeriledi

Aımaqtar • 24 Qańtar, 2020

Kókshetaýda saýda dúńgirshekteri buzylmaq

Aımaqtar • 24 Qańtar, 2020

Moskva zamanaýı ortalyqqa aınala ala ma?

Qazaqstan • 24 Qańtar, 2020

Uqsas jańalyqtar