Qoǵam • 12 Jeltoqsan, 2019

Jaqsylyqqa toly Jastar jyly

83 retkórsetildi

Jastar Memleket bas­shy­sy­nyń ataý­ly jyldyń qorytyndysyna arnalǵan jı­ynda táýelsizdikti saq­­taýǵa jáne jastardy qoldaýǵa baılanysty aıtqan pikirleri men usy­nys­taryna erekshe nazar aýda­­ryp, óz oılarymen bólisýde.

Abzal SARIEV,

Syrtqy ister mınıstrligi Investısııa komıtetiniń Ákimshilik jáne quqyqtyq jumys basqarmasynyń úshinshi hatshysy:

Jastar jylynyń jabylýyna arnalǵan saltanatty jıynda Memleket basshysy Qasym-Jomart Toqaevtyń: «Myna shyndyqty este ustaý kerek: Eldiń táýelsizdigin, onyń aýmaqtyq tutastyǵyn ha­lyq­­aralyq uıymdardyń da­ýys be­rýi­men emes, aqylmen, saýatty júrgizilgen ishki jáne syrtqy saıa­sat arqyly saqtaý kerek. Halyq óziniń táýelsizdigin kúsh­ti, tatýlyqty tý etken mem­le­kettiń aıasynda ǵana saqtaı alady. Sondyqtan eń bastysy – Táýel­siz Qazaqstannyń irgetasyn álsi­­ret­peý», degen sózi maǵan qat­ty áser etti. Muny barsha qazaqs­tan­­dyq jas únemi este ustaýy ke­rek.

Sonymen qatar Jastar jylynda kóptegen ıgi is atqa­ryl­ǵa­nyn aıtqym keledi. О́skeleń ur­paq­ty qoldaý maqsatynda bas­pa­na­men jəne jumyspen qamtý, sapa­ly əri qoljetimdi bilim berý isi qolǵa alyndy. Máselen, iri sha­har­­larda eńbek etip júrgen jastarǵa 9 myń páter berilmek. Ony jalǵa alý quny aıyna 15 myń teńge ǵana. Mundaı baǵa tipti shalǵaı aýdandarda da joq shyǵar.

Qazaqstannyń ke­le­­shegi – jas­tar. Iаǵnı, el tá­ýel­­sizdigin saq­taý, aýmaqtyq tu­­tas­tyǵy men turaqtylyǵyn qam­ta­ma­syz etý de jastardyń mindeti. Son­dyq­tan áleýmetti, egemen, bir­tutas memleketti saqtap qalý úshin Táýel­siz Qazaqstannyń irge­ta­syn be­rik ustaýymyz qajet.

Bizdiń jastarymyz – óte ta­lantty. Olardyń jetis­tik­­terine búginde álem elderi tań­­da­na­dy. Taıaýda  ǵana Nıý-Iork­te konsert bergen Dımash Qudaı­ber­gen tórtkúl dúnıeni moıyndat­ty. Osyndaı jetistikter Qazaq­s­tan ataýyn bıikke shyǵara bere­tini anyq. Ol úshin zamandas­ta­rymdy talmaı eńbektenýge shaqyramyn.

 

Jadyra BAIBULANOVA,

aqyn, «Daryn» syılyǵynyń laýreaty:

Tarıhqa úńilsek, elimizge – tutqa, egemendigimizge tuǵyr bolǵan – jalyndy jastar. Árige kóz salsaq, bátýaly bıimiz Qaz daýysty Qazybek bı on tórt jasynda elin daýdan, jerin jaýdan qorǵap, sharshy topta qaımyqpaı sóz bastapty. Úsh júzdiń basyn qosqan Abylaı han jıyrma jasynda jaýyna jaıdaq shaýyp, uly erlik jasaǵany esimizge túsedi. Odan beride, «Qarańǵy qazaq kógine, órmelep shyǵyp kún bolǵan» Sultanmahmut, «Men jastarǵa senemin» degen Maǵjan da Alashtyń aq tańyn aıaýly aqyn-júregimen jastyq shaqtarynda jyrlaǵan. Taǵylymdy tarıhymyzdy zerdelegen Shoqan da otyzǵa jetpeı-aq orasan zor eńbek atqarypty. Mundaı mysaldar óte kóp.

Oılap qarasaq, kemeńger babalarymyz osynaý ónegeli isterin dál qazirgi bizdiń jasymyzda-aq jasaǵan! Babalar izin jalǵaǵan búgingi jas býyn «men memleket úshin qandaı is atqardym?» degen suraqqa tolǵanar bolsa, keleshegimizdiń kemel bolary sózsiz. Sondyqtan Jastar jylyn qorytyndylaǵanda, ár adam bul jyl maǵan ne berdi dep emes, men elge ne berdim dep esep berýi tıis sııaqty. Desek te, Jastar jyly osymen támamdaldy deý – aǵattyq. Eldiń bolashaǵy – jalyndy jas urpaq desek, áleýetimizdi arttyryp, abyroıymyzdy asqaqtatar aldaǵy ár jyldy – jastar jyly dep esepteımin.

 

Aıdar Muhambetov,

L.N.Gýmılev atyndaǵy Eýrazııa ulttyq ýnıversıtetiniń stýdenti:

Qazir stýdentterge beriletin memlekettik shákirtaqy 20 myń teńgeniń aınalasynda. Jańa jyldan bastap, Prezıdenttiń tapsyrmasymen aıyna 25 myń teńgedeı tólenetin boldy. Oqýym tegin, jataqhanamen qamtylsam da, 20 myń teńge birde jetse, birde jetpeı qalatyny belgili. Aı saıyn shotymyzǵa aqsha salyp otyrǵan ata-analarymyz úshin 5 myń teńge­niń ózi úlken kómek. Jyl saıyn ta­maq pen kıim-keshek quny turaqty qym­battap otyrǵanyn eskersek, Úkimet biz sekildi aqshasyn negizinen tamaqtaný men kıinýge jumsaıtyn jastardy kezekti ret demep otyr. Anaý aıtq­andaı kóp qarajat bolma­ǵa­nymen, sımvolıkalyq ja­ǵy­nan bul memlekettiń jastardy, sonyń ishinde stýdentterdi umy­tpaıtynyn kórsetkendeı. Jas­tar jyly aıasynda tek kópshilik merekelik sharalar men forýmdar uıym­d­astyrylyp qana qoımaı, ja­s­tardyń ózderi úshin paıdaly sheshimniń qabyldanǵanyna rızashy­ly­ǵymyzdy jasyrmaımyz. Meniń oıymsha, Prezıdenttiń tapsyrmasy stýdentterge memleket tarapynan materıaldyq kómekti kóbeıtýge bastama bolýy kerek. «Er toqymy altynnan jasalsa da, shákirtke kómektes» degendeı, jastardyń tereń bilimdi jáne jan-jaqty bolyp qalyptasýy úshin olarǵa kórsetilgen kómek eshqashan artyq bolmaıdy.

 

Bıjan SADYBEKOV,

Shymkent qalasy boıynsha Jastar resýrstyq ortalyǵy «Qoǵammen baılanys jáne aqparattyq taldaý» bóliminiń basshysy:

2019 jyl – jastar úshin jaǵym­dy boldy dep aıtýǵa tolyq negiz bar. Tuńǵysh Prezıdent – Elbasy Nursultan Nazarbaevtyń bastamasymen Jastar jyly jarııalanyp, Úkimet ony júze­ge asyrýdyń Jol kartasyn qabyl­daǵan edi. Soǵan sáıkes, jas­tar­dy qoljetimdi baspanamen qamtamasyz etý, bilim alý, ju­mys­pen qamtý, bıznesti damytý, jas otbasyn qoldaý syndy sharalar qarastyryldy.

Qazirgi tańda Shymkent qala­syn­da 264 myńnan asa jas bar. Olar jalpy qala halqynyń 26 pa­ıyzyn quraıdy. Jastar saıasatyn úılestirý maqsatynda Jastar resýrstyq ortalyǵy jan-jaqty qoldaý bildirip, olardyń bastamalaryn júzege asyrý baǵytynda qyzmet kórsetedi.

Ortalyqta memlekettik baǵ­­dar­­la­malardy nasıhattaý, túsindirý jumystary júrgizilip keledi. Atap aıtar bolsaq, ju­myssyz jastarǵa qoldaý kórsetý jáne óz kásibin ashýǵa múmkindik beretin «Jas kásipker», «Bastaý bıznes», qysqa merzimdi kásiptik oqytý jobalary bar. Sonymen qatar eńbek ótili joq JOO túlekteri úshin qolǵa alynyp jat­qan «Jastar tájirıbesi» jáne qoǵamdyq jumys pen áleýmettik jumysqa arnalǵan jobalar da mańyzǵa ıe.

Osylaısha Jastar jyly shyraıly Shymkent shaharynyń jastary úshin jaǵymdy jańa­lyqtarmen aıaqtaldy. Memle­ket basshysynyń Jarlyǵy boıynsha keler jyl Volonter jyly dep jarııalandy. Bul salanyń da jastarǵa qatysy bar ekenin eskersek, 2020 jyldan kúter jańalyǵymyz kóp.

Jastar jylynyń jabylý salta­na­tynda Prezıdent Qasym-Jomart Toqaevtyń óz qolynan Alǵys hat aldym. Bul – eńbegim­niń baǵalanýy ǵana emes, maǵan artylǵan úlken senim dep esepteı­min. El úshin eńbek etýdi jalǵas­ty­ra beremin.

 

Bekzat SMAǴULOV,

«Daryn» syılyǵynyń laýreaty:

Jastar elimizdiń erteńi, ultymyzdyń bolashaǵy, memleketimizdiń mártebesi ekeni belgili. Ata-babamyz «Erim deıtin el bolmasa, elim degen er qaıdan bolsyn?» dep aıtyp ketti. Qazirgi tańda Qazaqstanda erim deıtin el de, elim deıtin er de bar. Buǵan mysal 2019 jyldyń Jastar jyly dep jarııalanýy. Osy kezeńde óskeleń urpaqty qoldaý úshin kóptegen jumys atqaryldy. Jastardyń jaǵdaıyn jasaý úshin naqty sharalar qabyldandy.

Taıaýda «Daryn» syılyǵyn ıelendim. 1991 jyldan beri berilip kele jatqan bul syılyq óner jáne mádenıet qaıratkerlerin marapattaýǵa, olardy qurmetteýge arnaldy. Buǵan deıin elimizdiń eleýli, halqymyzdyń qalaýly kóptegen azamaty osy marapatqa ıe boldy. Sonyń qatarynan kóringenime óte qýanyshtymyn. Árıne, bul júlde ǵana emes, maǵan artylǵan úlken jaýapkershilik dep bilemin. Aldaǵy ýaqytta boıdaǵy búkil qarym-qabiletimdi elimniń damýyna, mádenıetine, ádebıetine, ónerine arnap, óz úlesimdi qosý úshin ter tógýdi jalǵastyra beremin.

Táýelsizdik kúniniń qarsańynda ótken Jastar jylynyń jabylý saltanatynyń mańyzy erekshe. Mundaı sharalar elimizdiń túkpir-túkpirindegi jas­tardy tanystyrady. Bul birlikke, yntymaqqa bastaıdy. Ortaq jobalar jasap, el damýyna úles qosýǵa múmkindik beredi.

 

 

Sońǵy jańalyqtar

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Jyldyń jumys jospary naqtylandy

Parlament • Búgin, 08:06

Yqpaldastyqqa serpin beretin sapar

Saıasat • Búgin, 08:02

Uly hakim ulaǵaty urpaqqa úlgi

Rýhanııat • Búgin, 07:58

Alysqa qulash sermeýge úndeıdi

Qoǵam • Búgin, 07:54

Abaı murasyn jańasha zerdeleý kerek

Rýhanııat • Búgin, 07:50

18 myń Abaı bar

Qoǵam • Búgin, 07:44

62 kóshege jańa ataý berildi

Aımaqtar • Búgin, 07:42

Mal urlaǵandar qatań jazalanady

Qoǵam • Búgin, 07:39

Túsim 5 mlrd teńgeden asady

Ekonomıka • Búgin, 07:36

Jańa týyndylar tanystyryldy

Aımaqtar • Búgin, 07:33

Ájeler mektebi

Rýhanııat • Búgin, 07:29

Shırazdyń kóz jasy (Hıkaıat)

Rýhanııat • Búgin, 07:28

Onlaın kitaphana – oqyrman talaby

Aımaqtar • Búgin, 07:27

Arqada aqtútek boran

Qoǵam • Búgin, 07:13

«Halal standarty» degen ne?

Qoǵam • Búgin, 07:11

Aqyl-oıdyń brendi

Rýhanııat • Búgin, 07:06

Et óńdeýde ese jibermedik pe?

Ekonomıka • Búgin, 07:05

Qostanaılyq dıqandar tuqym tappaı otyr

Ekonomıka • Búgin, 06:59

Uqsas jańalyqtar