Jerebege saı 60 kılo salmaqtaǵy Eldos Smetov tusaýkeser kezdesýin reseılik Albert Oǵyzovqa qarsy ótkizedi. Ǵusman Qyrǵyzbaevtyń alǵashqy aınalymdaǵy qarsylasy – fransııalyq Valıd Khııar. Eger qandastarymyz bastapqy qos básekede jeńiske jetse, úshinshi kezeńde bir-birimen sheberlik baıqasady.
66 kılo salmaqtaǵy Eldos Jumahanov alǵashqy aınalymda bos. Odan keıin ol reseılik Aram Grıgorıanmen aıqasady. Erlan Serikjanovtyń da jaǵdaıy dál solaı. Qazaq dzıýdoshysynyń kelesi qarsylasy – ıspanııalyq Alberto Martın Gaıtero.
73 kılo salmaqtaǵy Jansaı Smaǵulov molodvalyq Vıktor Sterpýmen kúsh synasady. 81 kılo salmaqtaǵy Dıdar Hamza birinshi kezeńde bos. Kelesi kezeńde ony Reseı juldyzy Hasan Qalmurzaev kútip tur. Al 90 kılo salmaqtaǵy Islam Bozbaevta alǵashqy aınalymda tatamıge shyqpaıdy. Odan keıin qandasymyz grýzııalyq Beka Gvınıashvılımen beldesedi.
Áıelder arasynda qos dzıýdoshymyz óner kórsetedi. 48 kılo salmaqtaǵy Otgonseseg Galbadrah Portýgalııa balýany Marııa Sıderotpen kúresse, 57 kılo salmaqtaǵy Sevara Nyshanbaeva qytaılyq Ven Jangke qarsy shyǵady.
Esterińizge sala keteıik, «Masters» týrnırine álemdik reıtıngte alǵashqy 35 oryndy ıelenip otyrǵan dzıýdoshylar ǵana qatysady. Osy dodada bas júldeni oljalaǵan balýanǵa 1800 upaı berilse, kúmis jáne qola júldegerler 1260 jáne 900 upaıdan oljalaıdy.
