Ulttyq anımasııa salasyna ólsheýsiz úles qosqan rejısser-anımator Ámen Qaıdarovtyń atymen atalǵan sharanyń qyzyl lentasyn qııý sharasyna Nur-Sultan qalasy boıynsha «Rýhanı jańǵyrý» jobalyq keńsesiniń dırektory Nurpeıisov Úkibaı, «OzgeEpic» zamanaýı óner keńistiginiń jetekshisi Maqpal Jumabaı, anımasııa maıtalmandary Ernst Beıseıtov, Galına Dýsenko, Tamara Mýhanova qatysty.
Kınofestıvaldiń maqsaty – qazaq anımasııasynyń damýyna yqpal etý jáne jas daryndarǵa qoldaý kórsetý boldy. Shara aıasynda anımasııalyq kınostýdııalardyń kórmesi qalyń kópshilikke tanystyryldy.
Ámen Animation film festival qorjynyna 80-nen astam ótinim kelip túsip, baıqaýǵa 51 jumys iriktelip alynǵanyn aıta ketken jón.
Sharaǵa «Dala animation», «SAQ» kınostýdııasy, «Ara studio», «Anyz film», «Rio animation», «Qazart», «Astana film», «Glen» anımasııalyq akademııasy jáne «Qgoo» grafıkalyq oqytý ortalyǵy qatysty. Shara barysynda sondaı-aq belgili taqyryptar boıynsha komıkster baıqaýy da ótkizildi.
Úmitkerler «Úzdik kásibı anımasııalyq fılm», «Úzdik rejısserlik jumys», «Úzdik ssenarıı», «Úzdik qoıýshy sýretshi», «Úzdik stýdenttik jumys», «Úzdik mýlthıkaıa», «Ádilqazylar júldesi», «Kórermen kózaıymy», «Úzdik komıks» nomınasııalary boıynsha marapattaldy.
