Aımaqtar • 12 Jeltoqsan, 2019

Almatynyń Bas qujatynyń sońǵy nusqasy talqylanyp jatyr

91 retkórsetildi

Búgin alyp shahar Almatyny ómir súrýge jaıly etýdi maqsat etken basty qujattyń sońǵy nusqasy talqylanyp jatyr.

Ony qala ákimi Baqytjan Saǵyntaev tanystyrdy. Qalanyń 2050 jylǵa deıingi damý strategııasy qarasha aıynda halyqqa usynylǵan bolatyn.  Tipti dúıim el tarapynan aıtylǵan talap-tilek eskeriletini aıtylǵan. Sol aralyqta 400 shaqty qala turǵyny 1000-nan astam usynys aıtyp, onyń 180-ge jýyǵy qujatqa engizilgen. Jalpy, joba barlyq salany qamtıdy. Atap aıtqanda, qaladaǵy tozǵan qubyrlardy 48 paıyzǵa azaıtý, qoqysty óńdeýdi 80 paıyzǵa jetkizý, halyqtyń 60 paıyzyn qoǵamdyq kólikpen tasymaldaý sekildi naqty josparlar bar. Al bastysy jolda qaýipsizdikti kúsheıtip, qaza tabatyndar sanyn nólge túsirý kózdelgen. Almaty ákimdigi qalany beınebaqylaý men adamdy tanı alatyn ıntellektýaldy júıeler ornatylǵan, aqyldy, qaýipsiz, ekologııasy taza, mádenı jáne kreatıvti megapolıske aınaldyrýdy kózdeıdi.

«Strategııa Almatynyń damýyn jańa qyrynan kórsetedi. Maqsaty – adamnyń ómir súrý sapasy joǵary álemniń úzdik 100 qalalar qataryna ený. Sonymen qatar, bıznespen aınalysýǵa yńǵaıly qala bolý. Qujat 3 qaǵıdaǵa negizdelgen. Ol: jańa ekonomıka, jańa keńistik jáne jańa kommýnıkasııa. Turǵyndardyń ómir súrý sapasy qala ekonomıkasyna tikeleı baılanysty. Sondyqtan Almatyda saýda-sattyq damý kerek. Ekinshiden, qala irgesi men ortasynda tepe-teńdik saqtaı otyryp, shetki aýdandardy da ortasymen birdeı etip damytamyz. Bul – meniń jeke pozısııam. Jáne sońǵysy, kommýnnıkasııa. Turǵyndarmen jıi kezdesip, problemalaryn tez arada sheship berý. Osy tusta «Estıtin memleket» tujyrymdamasy qolǵa alynady», dedi Almaty qalasynyń ákimi Baqytjan Saǵyntaev.

Almaty qalasy ákimdiginiń ǵımaratynda tańǵy saǵat 9:00 de bastalǵan jıynǵa kelgen qatysýshylar kóp. Konferensııada bıyl basty úsh taqyrypqa basymdyq berilmek. Mamandar alyp shaharda ekologııa, qaýipsizdik jáne kólik tıimdiligin jaqsartý kerek dep sanaıdy. Búgin olar osy salalardy jetildirý  maqsatynda óz jobalaryn da usynyp jatyr. Qala ákiminiń orynbasary Muhıt Ázirbaev usynys-tilekterdiń oryndy ekenin aıtyp, atalǵan baǵyt boıynsha qandaı jumystar atqarylyp jatqanyn jipke tizdi. 

«Qalada kóterme saýdany qoldaý kózdelip otyr. Iаǵnı, syrttan kelgen taýarlardy bir jerge saqtap, sodan keıin megapolıstegi dúkender men saýda ortalyqtaryna taratatyn oryn ashý josparda bar. Ol jerde taýar qaıta óńdelmeıdi, tek onyń ótýine jaǵdaı jasaımyz. Kólik máselesine keletin bolsaq, qazir kezek kúttirmeıtin problemalardy sheship jatyrmyz. Odan keıin oblyspen jalǵaıtyn joldardy keńeıtý kózdelip otyr. "Altyn orda» bazary mańyndaǵy tas joldy, Talǵarǵa qaraı betteıtin joldardy keńeıtý de oıda bar. Sáıkesinshe sol jaqtan qatynaıtyn qoǵamdyq kólikterdi de oılastyryp jatyrmyz», deıdi Almaty qalasy ákiminiń orynbasary Muhıt Ázirbaev.

Buǵan deıin habarlaǵandaı, keshe Almatyda Qazaqstan Ýrban forýmy bastalǵan bolatyn. Oǵan Almatynyń táýelsiz sarapshylary, sáýletshileri spıker retinde shaqyrylǵan. Forým barysynda aıtylǵan ıdeıalar Almatynyń damý strategııasyn daıyndaý kezinde eskeriledi. 

Sońǵy jańalyqtar

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Tastarǵa jan bitirgen sýretshi

О́ner • Búgin, 15:38

Ýálıhan QALIJANOV. Koronavırýs

Ádebıet • Búgin, 15:28

Meni kórseńder, qashyńdar!

Ádebıet • Búgin, 15:26

Uqsas jańalyqtar