Saltanatty rásimge Qazaqstan Respýblıkasynyń Syrtqy ister mınıstriniń Birinshi orynbasary Shahrat Nuryshev, Aýyl sharýashylyǵy Vıse-mınıstri Nurbek Daıyrbekov, AQIU Bas dırektory Erlan Baıdáýlet, sondaı-aq Bangladesh, Býrkına-Faso, Gambııa, Túrkııa, BAÁ, Saýd Arabııasy Aýyl sharýashylyǵy mınıstrlikteriniń basshy qyzmetkerleri jáne Qazaqstanda akkredıttelgen IYU múshe elderdiń elshileri qatysty.
Sh.Nuryshev óz sózinde Qazaqstan AQIU qyzmetine jáne osy Uıymnyń múshelik quramyn keńeıtý boıynsha jan-jaqty qoldaý kórsetýdi jalǵastyratynyn atap ótti.
Is-shara aıasynda Ulttyq agrarlyq ǵylymı-bilim berý ortalyǵy men AQIU arasyndaǵy yntymaqtastyq týraly Memorandýmǵa qol qoıý rásimi ótti.
Osy kúni AQIU shtab-páterinde AQIU Atqarýshy keńesiniń kezekti 4-shi otyrysy ashyldy, onda kezdesýge qatysýshylar uıymnyń IYU-ǵa múshe elderdiń Azyq-túlik qaýipsizdigi salasyndaǵy praktıkalyq yntymaqtastyǵyn nyǵaıtýǵa baǵyttalǵan aǵymdaǵy qyzmeti talqylanady.
Islam yntymaqtastyǵy uıymy aıasynda AQIU qurý týraly bastama Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevqa tıesili. Qazirgi ýaqytta Uıymnyń quramyna Islam áleminiń 34 memleketi kiredi jáne onyń qyzmeti Aýyl sharýashylyǵy men Azyq-túlik áleýetin damytý salasynda musylman áleminiń kúsh-jigerin jumyldyrýǵa baǵyttalǵan.
