Qazirgi kezde zańsyz salynǵan ǵımarattardy súrý isi boıynsha Shubar turǵyn úı alabyndaǵy Qulyndy kóshesindegi 3 úıde tıisti jumystar júrgizilýde.
«Qalalyq orta sapasy jáne baqylaý basqarmasy» MM basshysy Tólegen Qulyshevtyń aıtýynsha, 2017 jyldyń 20 maýsymda atalǵan ǵımarat ıesine fýnksıonaldy maqsatyn ózgertpeı, turǵyn úıdi qaıta qurý týraly sheshim qabyldanǵan. Alaıda, ǵımarat ıesi turǵyn úıdi buzyp, óz erkimen tórt qabatty jańa úıdiń qurylysyn bastaıdy. Bul áreketi úshin quqyqbuzýshy ákimshilik jaýapkershilikke tartylyp, anyqtalǵan eskertýlerdi joıý týraly buıryq shyǵarylady.
«Ǵımarat ıesine birneshe ret sot oryndaýshylary tarapynan eskertýler berildi, alaıda nysan qojaıyny sot qaýlysyn oryndaǵan joq. 1000 kV metr alańyn tolyq jabatyn 4 qabatty komersııalyq maqsattaǵy úıdi zańsyz ári qurylys qyzmeti salasyndaǵy standarttardy eskermeı kótermek bolǵan. Atalǵan ǵımaratty súrý arqyly Nur-Sultandaǵy zańsyz salynǵan barlyq nysandardyń súriletindigin habarlaımyz», dedi T. Qulyshev.
Búginde sot sheshimin oryndaý jáne azamattardyń ómiri men densaýlyǵyna qaýip tóndirmeý maqsatynda nysandy buzý jumystary bastaldy. Súrý jumysy bir aı boıy júrgiziledi.
