Aımaqtar • 12 Jeltoqsan, 2019

Mańǵystaýlyq eriktiler áleýmettik kómekter kórsetýde

22 ret kórsetildi

Aqtaýlyq erikti jastar bastaǵan ıgi jobalar kóptiń kádesine jarady. Bul týraly óńirlik kommýnıkasııalar qyzmeti habarlady. Ásirese bıylǵy jastar jylynda júzege asyrǵan «Kómekshi ustaz», «Kómekshi dáriger» men «Qyz joly» atty bastamalary halyqtyń alǵysyna bólendi. Volonterler jalǵyzbasty zeınetkerlerdiń úıinde alǵashqy medısınalyq kómek kórsetip, kóp balaly otbasydan shyqqan oqýshylardyń sabaq úlgerimin arttyrýǵa qol ushyn sozyp júr. Qajetinshe qarııalardyń úıin jınap, apta saıyn azyq-túlikpen de qamtyp keledi.

«2017 jyldan beri «Júregi toly meıirim» jobasy aıasynda oblysymyzdaǵy jalǵyzbasty ata-ájelerimizdiń úıin jınastyryp berýdemiz. Batasyn alamyz jáne de halyqaralyq qarttar kúni syılyqtarymyzdy berip, bir qýantamyz. Azdaǵan azyq-túlik bolsyn, kıim-keshekter bolsyn solardy jınap, jaǵdaıy tómen otbasylarǵa áleýmettik kómek te kórsetemiz», deıdi eriktiler korpýsynyń úılestirýshisi О́ner Qulshaǵaev.

Eriktiler korpýsy qurylǵaly beri eki jyldan asypty. Búginge deıin úsh júzge tarta stýdent múshelikke qabyldanǵan. Olar sabaqtan bos kezde jastar ortalyǵynda bas qosady. Tegin trenıg-dáristerge qatysyp, kóshbasshylyq qabiletin ushtaıdy. Barlyǵy korpýs jetekshisi kótergen ıgi bastamalarǵa belsene qatysyp júr.

Búginde 81 jalǵyzbasty azamatqa kómek kórsetilgen. Aptasyna eki ret balalar baryp, úıin jınaıdy. Jáne osy ýaqytqa deıin 162 otbasyǵa áleýmettik kómek berilgen. Bastamashyl jastar «Kómekshi ustaz» jáne «Kómekshi dáriger» jobalaryn ótken naýryzdan beri júzege asyryp keledi. Halyqty áleýmettik qorǵaý  mekemesinen aqparat alynyp, tizim jasalǵan. Sol boıynsha eriktiler mekenjaı aralap, qajet kómek túrin kórsetedi. Sondaı-aq turmysta zorlyq kórgenderge arnalǵan ortalyq turǵyndaryna qarjy jınap, járdemdesip júr.

Sońǵy jańalyqtar

Tilsiz jaýdyń taqsireti

Aımaqtar • Búgin, 07:08

Baǵynyshty qyzmetkerdiń kesiri...

Saıasat • Búgin, 07:03

Abaımen «ýlanǵan» adam (Esse)

Abaı • Búgin, 06:53

Tegin dári-dármek kimge tıesili?

Medısına • Búgin, 06:50

Jergilikti úles 90%-ǵa jaqyndady

Qoǵam • Búgin, 06:47

Jezqazǵanǵa gaz jetkende...

Ekonomıka • Búgin, 06:42

Sharapaty mol «Shet-Kómek»

Ekonomıka • Búgin, 06:39

Eginge oraq erte tústi

Qoǵam • Búgin, 06:33

«Inter» – jartylaı fınalda!

Sport • Búgin, 02:50

Tashkent tragedııasy

Sport • Keshe

Uqsas jańalyqtar