Parlament • 12 Jeltoqsan, 2019

Senatta «Baıqońyr» keshenin jalǵa berý shartyna ózgerister engizý máseleleri qaraldy

18 retkórsetildi

Parlament Senatynyń otyrysynda 1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattama ratıfıkasııalandy. Bul týraly Parlament Senatynyń baspasóz qyzmeti habarlady.

2017 jylǵy 9 qarashada Chelıabınsk qalasynda jasalǵan hattama Reseı Federasııasy jalǵa alǵan jalpy alańy 11,6 myń gektar jer ýchaskelerin Qazaqstan Respýblıkasyna qaıtarýdy kózdeıdi.

Aýyl sharýashylyǵy mınıstriniń birinshi orynbasary Aıdarbek Saparov atap ótkendeı, jalǵa berýden 4 jer ýchaskesi shyǵarylady.

«Qaıtarylatyn jer ýchaskeleri «Batys Eýropa-Batys Qytaı» halyqaralyq tranzıttik dálizin, Almaty-Máskeý temirjolyn salý jáne «Beıneý-Shymkent» gaz qubyrynyń jelilik bóligi men Qyzylorda oblysy Qarmaqshy aýdany Tóretam aýylyn damytý úshin qaıta bólinedi», dep atap ótti ol.

Qazaqstan Respýblıkasy men Monǵolııa arasyndaǵy sottalǵan adamdardy berý týraly shart ratıfıkasııalandy.

Kelisim Qazaqstan men Mońǵolııa arasyndaǵy qylmystyq quqyqtyq qatynastardaǵy quqyqtyq yntymaqtastyqty nyǵaıtýǵa baǵyttalǵan.

Shartqa sáıkes sottalǵan adamnyń jazbasha kelisimimen ári eger berý týraly suraý salý alynǵan kezde sottalǵan adamǵa qatysty shyǵarylǵan úkim zańdy kúshine engen bolsa jáne sottalǵan adamnyń óteýine jatatyn ýaqyt kezeńi keminde bir jyldy qurasa, sottalǵan adam bas bostandyǵynan aıyrý túrindegi jazany óz otanynda odan ári óteý úshin berilýi múmkin.

Senator A.Lýkın osyndaı halyqaralyq quqyqtyq quraldardyń bolýy, árıne, Qazaqstan Respýblıkasynan tys jerlerde sottalǵan otandastarymyzdyń budan bylaıǵy taǵdyryn jeńildetetinin, olardy ózge eldiń túzeý mekemelerinde ustaý olardyń týystarymen jáne jaqyndarymen qarym-qatynas jasaýyna kedergi keltiretinin, sondaı-aq tildik turǵyda  kedergilerge tap bolatynyn jetkizdi.

Derekter boıynsha Monǵolııanyń bes azamaty Qazaqstanda jazasyn ótep jatyr. Qazaqstannyń Mońǵolııada jazasyn ótep jatqan azamattary joq.

Qazaqstan búgingi tańda 21 elmen osyndaı sharttar jasady, olardyń ishinde Ýkraına, Qytaı, Túrkııa, Birikken Arab Ámirlikteri jáne taǵy basqa elder bar.

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar