Aımaqtar • 12 Jeltoqsan, 2019

Almatyǵa 62 jyldan keıin áıgili «Don Paskýale» operasy oraldy

67 retkórsetildi

Búgin Abaı atyndaǵy Qazaq memlekettik akademııalyq opera jáne balet teatrynda kópten kútken 86 maýsymnyń jańa premerasy bastalady.

Gaetano Donısettıdiń eń tanymal týyndylarynyń biri «Don Paskýale» operasyn bul joly qazaq sahnasynda ıtalıandyq rejısser, ssenograf, kostıýmder boıynsha dızaıner Matteo Massonı sahnalaıdy.  

Matteo Massonı bul operany búkil tarıhqa ótken ǵasyrlardaǵy áıelderdi azat etý sımvoly retinde Norınanyń kózimen qaraý dep túsindiredi. Osy arqyly búgingi kórermen 1800 jáne 1950-jyldar aralyǵyna saıahat shegip, búgingi 2019 – ıaǵnı, zamanaýı Italııanyń sán-saltanaty ortasyna qatar tap bolmaq.

Jańa qoıylym ıtalıandyq atmosfera men stıldi qaıta óńdeýdiń talǵampaz máni bar kúrdeli ssenografııalyq sıýjetti quraıtyn kóptegen spes-effektiler men «ýaqyttan ýaqytqa aýysatyn» qozǵalystardy qamtıdy. Zamanaýı tehnologııalar opera álemimen úılestirilip, tanymal sýretshi Lýka Atılıdiń beıne proeksııalarmen tolyqtyrylǵan.

Donısettıdiń «úsh bólimdi drama-býffa» dep ózi ataǵan operasynyń sıýjetinde, kórermender bas keıipkerler – qart Don Paskýalemen (Taır Táji, Ilıas Artaǵalıev), onyń jas jıeni Ernestomen (Damır Sadvakasov, Artýr Gabdıev), aılaker dáriger Malatestamen (Emıl Sakavov, Oleg Tatamırov) jáne Norına sulýmen (Zarına Altynbaeva, Anastasııa Kojýharova) kezdesedi.

«Don Paskýale» operasynyń premerasy Almaty «Alma-Ata» bolyp turǵanda, osy Abaı atyndaǵy Qazaq memlekettik akademııalyq opera jáne balet teatrynyń sahnasynda 1955 jyldyń 9 qazanynda tuńǵysh ret sahnalanyp, 2 jyldaı júrgen.

Sol kezde spektakldiń rejısseri A. Barannıkov, qoıýshy-sýretshisi A. Moldabekov, dırıjeri V. Chernov, hormeısteri P. Okrýshko, baletmeısteri Iý. Kovalıov bolǵan. Tusaýkeserinde bas partııalardy: Don Paskýaleni – Qazaq KSR-niń halyq ártisi, .Kazakevıch, Ernestony Qazaq KSR-niń halyq ártisi,  Iý. Iаkýnın, Norına – N. Kýklına, Dáriger Malatesta –  N. Voronkov oryndaǵan eken. Opera teatrda eki jyl sahnalanyp, qaıta jańartylmaǵan.

Osylaısha san jyldardan keıin Gaetano Donısettıdiń eń jaqsy operalarynyń biri Abaı atyndaǵy Qazaq memlekettik akademııalyq opera jáne balet teatrynyń sahnasyna qaıta oraldy.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar