Qazaqstan • 12 Jeltoqsan, 2019

Elordada ıppoterapııamen aınalysý úshin jabyq manej salynady

26 retkórsetildi

Elorda ákimdiginde ıppodrom bazasynda ıppoterapııa jáne at sporty úshin jabyq manejdi salý talqylandy. Joba memlekettik-jeke menshik áriptestik aıasynda júzege asyrylady. Balalarmen arnaıy oqytylǵan nusqaýshylar shuǵyldanady,sabaq úshin tek jýas attar alynady. Bul týraly Nur-Sultan qalasy ákimdiginiń baspasóz qyzmeti habarlady.


Nur-Sultanda erekshe qajettilikteri bar 5 myńnan astam bala bar. Elimizdiń at sporty Federasııasynyń Paralımpıadalyq at sporty Departamentiniń dırektory Elena Chernıkovanyń aıtýynsha, ıppoterapııa kýrsynan keıin balalardyń densaýlyq jaǵdaıy aıtarlyqtaı jaqsaratynyn atap ótti.

«Ippoterapııa ońaltýdyń birneshe túrin biriktiredi: bul emdik dene shynyqtyrý, massaj, balalardy áleýmettik jáne psıhologııalyq beıimdeý. Bul jerde bala ońaltýdan ótip jatqanyn túsinbeıbi, sebe ol dári tamyzǵyshtar men dárigerlerdi kórmeıdi. Ortalyqqa bala jylqyǵa miný úshin, oınaý úshin keledi. Kýrstan keıin, múlde júrmegen balalar óziniń alǵashqy qadamdaryn jasap, óz betimen arqasyn ustaı alatyn dárejege jetedi», dedi E. Chernıkova.

Áleýmettik joba elimizdiń basqa óńirlerinde 10 jyldan astam jumys isteıdi. Ippoterapııaǵa elimizdiń ár óńirinen balalar keledi. Uıymdastyrýshylardyń aıtýynsha, ońaltý kýrsynan keıin kóptegen balalar at sportymen aınalysyp, sporttyq jarystarda medaldarǵa ıe bolǵandary da bar.

Qala ákimi A. Kólginov ıppodrom bazasyn úsh baǵyt boıynsha damytý qajettigin atap ótti: ıppoterapııa, ulttyq jáne klassıkalyq sport túrlerin ótkizý jáne daıyndaý, sondaı-aq týrıstik marshrýttar. Budan basqa, elorda da  erekshe qajettilikteri bar azamattar úshin eki ońaltý ortalyǵy salynady. Jańa turǵyn úı keshenderiniń birinshi qabattarynda emhana, balabaqsha, ońaltý ortalyqtary, polısııanyń tirek pýnkti sııaqty áleýmettik nysandar ashylady.


Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Investısııalar ıgiligi

Ekonomıka • Keshe

Uqsas jańalyqtar