«Ekibastuz MAES-2» AQ bastan-aıaq «Samuryq-Qazynaǵa» ótti

«Samuryq-Qazyna» ult­tyq ál-aýqat qory» AQ men «Inter RAO» JAQ aksııalary teń negizinde ıelik etken Qa­zaq­stan-Reseı birlesken kásip­orny 2005 jyly quryl­ǵan edi. Qazaqstan tarapy úshin qoǵam qyzmetiniń basym baǵyty stansany keńeıtý jáne qaıta qurý sheńberinde 636 MVt bolatyn úshinshi ener­­goblokty ornatý bolyp taby­lady. Bul jobany iske asy­rý Qazaqstannyń elektr qýa­tyna ósip kele jatqan qa­jet­tiligin qamtamasyz etýge, onyń eksporttyq áleýetin art­tyrýǵa yqpal eter edi.

2009 jyly Qazaqstan Res­pýblıkasy men Reseı Fe­de­rasııasynyń Úkimetteri ara­­syndaǵy kelisim sheń­be­rinde «Ekibastuz MAES-2» AQ «Ekibastuz MAES-2 №3 ener­goblogynyń qurylysy» jo­ba­syn iske asyrýǵa kiristi. 2010 jyly tıisti jobalaý-smetalyq qujattama ázirlenip, mem­lekettik saraptamadan ótti. Osynyń negizinde «Eki­bastuz MAES-2» AQ-nyń 50% úlesti satyp alý týraly sheshim qabyldandy.

«Eki jyl buryn «Inter RAO» energetıkalyq kom­panııasy Reseı Fe­de­rasııasyn­da óz bıznesin damytý strate­gııa­syna saı «Ekibastuz MAES-2» AQ-daǵy úlesin sa­ta­ty­ny­n málimdep, 50 mln dol­larǵa baǵalady. Kelis­sóz­derdi Qazaqstan tarapynan «Samuryq-Energo» kompanııasy júrgizdi. Kelis­sózder qorytyndysy bo­ıynsha taraptar atalǵan aktıvti 25 mln dollarǵa saý­dalaýǵa kelisip, tıisti qujattarǵa qol qoıyldy», deıdi A.Sátqalıev.

Basqarýshy dırektordyń málimetinshe, atalǵan aktıvke «Samuryq-Qazynanyń» qyzy­ǵý­shylyǵy «Ekibas­tuz MAES-2» ak­sıonerlik qoǵamy­nyń úshin­shi blogy­nyń qurylysyn bas­taý­ǵa qajettiliginen týyndap otyr. О́ıtkeni atal­ǵan joba bo­ıyn­sha Elba­sy­nyń tikeleı tap­syr­masy bar. Qordyń bas­qa­rýshy dı­rek­­torynyń pi­ki­rine súıensek, qazirgi kezeń­de qosymsha 636 MVt qýat ón­dirýge múmkindik týyn­dap otyr. Ol úshin bas­tap­qy qar­jylandyrý jasalyp, negizgi qurylǵylardy tań­daý úshin konkýrs jasaldy.

«Biz elektr energetıkasy salasy turaqty jumys istep, elektrmen qamtý se­nim­­di qamtamasyz etilýi­ne múd­­de­limiz. Sondyq­tan «Eki­bas­tuz MAES-2» AQ-nyń 100 pa­ıyz aksııasy Qazaq­stan­nyń qolyn­da bolýy, biz­diń oıymyzsha, kásiporyn­nyń turaq­ty jumys isteýi­ne kepil­dik beredi», deıdi bas­qarý­shy dırektor. A.Sát­qalıev­tiń málimetinshe, elektr qýatynyń óndirisi men satylymy kezinde ǵana emes, sonymen qatar kómir óndirisi, tasymaly men Qazaqstan­nyń óndiristik sektorynyń tutynýshylaryn elektr qýatymen qamtamasyz etý turǵysynan úshinshi ener­go­b­lok­tyń qurylysy qor po­­zı­­sııasyn jaqsartýǵa jol ashpaq.