Qoǵam • 13 Jeltoqsan, 2019

Ǵylymı-tehnıkalyq keńestiń alǵashqy otyrysy

9 ret kórsetildi

Qazaqstanda alǵash ret IGTIC bastamasy boıynsha jasyl tehnologııalar men ınvestısııalyq jobalardy baǵalaý jáne saraptaý jónindegi Ǵylymı-tehnıkalyq keńesi qurylady.

Tómen kómirtekti ekonomıkany damytý jónindegi aýqymdy mindetterge súıene otyryp, jasyl tehnologııalar men ınves­tısııalyq jobalardyń halyqaralyq ortalyǵy ǵylymı-tehnı­kalyq keńes qurdy, bul «Qaldyqtardy basqarý», «Turaqty energııa resýrstary», «Turaqty qala (jasyl ınfraqurylym)», «Turaqty aýyl sharýashylyǵy», «Ekologııa, qorshaǵan ortany qorǵaý» baǵyttary boıynsha jumys isteıtin bolady. ǴTK usynylǵan qandaı da bir tehnologııalardyń qanshalyqty tıimdi ekenin, onyń jergilikti jaǵdaıǵa beıimdelýin jáne basqa da máseleni baǵalaıtyn bolady.

Osylaısha, ınvestorlar men jobalardyń ótinish berýshileri (bastamashylary) úshin biryńǵaı tereze qurylady. Qazirgi ýaqytta IGTIC-ke jasyl ekonomıka salasyndaǵy, onyń ishinde agrarlyq sharýashylyq, qatty turmystyq qaldyqtardy (QTQ) qaıta óńdeý jáne kádege jaratý, JEK, geotermaldy jáne gıdroenergetıka, bıogaz salasynda 300-den astam jobalar men tehnologııalar kelip tústi.

Táýelsiz saraptaý komıssııasyna ınjenerııa salasyndaǵy jetekshi ǵalymdar, «Bolashaq» baǵdarlamasy boıynsha taǵylymdamadan ótken jas mamandar, óndiristiń iri mamandary, «Atameken» UKP bıznes ókilderi, memleket qaıratkerleri, Parlament Májilisi men Senatynyń depýtattary kirdi.

Memleket basshysy Q.Toqaev Qazaqstan halqyna Jol­daýynda ekologııany jaqsartý, jańǵyrmaly energııa kózderin paıdalanýdy keńeıtý, tabıǵatqa uqypty qaraýdy damytý jónindegi jumysty jandandyrý qajettigin atap ótti.

IGTIC – «Halyqaralyq jasyl tehnologııalar men ınvestı­sııa­lyq jobalar ortalyǵy» KEAQ 2018 jyldyń sáýirin­de ASTANA EKSPO-2017 kórmesiniń ǵylymı jáne tehnolo­gııa­lyq murasyn jalǵastyrý jáne damytý úshin Tuńǵysh Prezıdent – Elbasy Nursultan Nazarbaevtyń bastamasymen quryldy.

 

Sońǵy jańalyqtar

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar