Rýhanııat • 13 Jeltoqsan, 2019

«Altyn tobylǵy» ıegerleri anyqtaldy

116 retkórsetildi

«Altyn tobylǵy» baıqaýy bıyl be­sinshi ret ótkizilip otyr. Tuńǵysh Prezıdent – El­ba­synyń Qory uıym­das­tyratyn bul baı­qaýda negizinen 18 ben 35 jas ara­ly­ǵyndaǵy jas aqyn-jazýshylar baq synaıdy.

Jobanyń negizgi maqsaty – jańa zaman ádebıetine kóp­shiliktiń qyzyǵýshylyǵyn arttyrý ári jastardyń shyǵar­ma­shylyǵynyń shyńdalýyna jol ashý.

Baıqaýǵa jas aqyn-jazý­shylar tarapynan qyzyǵý­shylyqtyń artyp kele jatqanyn jyl saıy­n talapkerlerdiń kóbeıýinen de baı­qaýǵa bolatyndaı. Mysaly, 2015 jyly 120 jumys tapsyrylsa, bıyl 170 shyǵarma usynylypty. Úzdik shyǵarmalar «Jyldyń úzdik prozasy», «Jyldyń úzdik poezııasy», «Jyldyń úzdik dramatýrgııasy», «Jyldyń úzdik balalarǵa arnalǵan shyǵarmasy» jáne Jastar jylyna arnaıy júlde – «Uly dalanyń jasampaz urpaǵy» atalymdary boıynsha anyqtalǵan.

Marapattaý rásiminde sóz al­ǵan Tuńǵysh Prezıdent –Elbasy Qorynyń at­qarýshy dırektory Áset Ise­keshev qa­zylar alqasynyń quramynda eli­mizge belgili mádenı qaırat­kerleri, jazýshylar men jýrnalıster bolǵanyn, olar shyǵar­malardy baǵalaý barysynda bir­neshe krıterııge súıengenin aıtyp ótti. «Elbasy Nursultan Nazarbaev «Bolashaqqa baǵdar: Rýhanı jańǵyrý», «Uly da­lanyń jeti qyry» maqa­lala­ryn­da rýhanııatqa kóp kóńil ból­di. Búginde elimizde daryndy jastarǵa qoldaý myqty. Elbasy Qory qashanda shyǵarmashyl jastarǵa qoldaý bildirip, túrli baı­qaýlar ótkizýde. Aldaǵy ýa­qytta da bul jumysty jal­ǵas­tyrady. Qazaq kórkem sóz óne­riniń sheberleri kóbeıe bersin» dedi Á.Isekeshev.

Sonymen úzdik shyǵarma­lardyń avtorlaryn Á.Isekeshev bastap, Parlament depýtattary, qoǵam, mádenıet jáne óner qaıratkerleri marapattady.

«Altyn tobylǵy» baı­qaýy­nyń qorytyndysy boıynsha «Jyldyń úzdik prozasy» atalymynda Doshan Jylqybaı, Qanat Ábilqaıyr qatarly jas jazýshylar top jardy. «Jyldyń balalarǵa arnalǵan úzdik shyǵar­masy» boıynsha Mıras Asan, Asylan Tilegenov jáne Marat Seıil­hanovtar júldege ıe bol­dy. Joǵaryda aty atalǵan je­ńimpazdardyń árqaısysy 1 mıllıon teńgeniń sertıfıkattaryn aldy. Júlde qory 2 mıllıon teńgelik «Jyldyń úzdik poezııa­sy» jáne «Jyldyń úzdik dramasy» atalymdarynyń sertıfıkattaryn Bekzat Smadııarov pen Arshyn Nurbaqyt ıelendi. Al Jastar jylyna arnaıy ta­ǵaıyndalǵan «Uly dalanyń jasampaz urpaǵy» atalymynyń báıgesin Nurtas Turǵanbek je­ńip aldy. Oǵan 3 mıllıon teńgeniń sertıfıkaty taps­y­ryldy.

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar