Aımaqtar • 13 Jeltoqsan, 2019

BQO-da jastar syılyǵy tabystaldy

18 retkórsetildi

Oral qalasynda Batys Qazaqstan oblysynyń dástúrli jastar syılyǵy tabystaldy. «Jyl úzdigi - 2019» syılyǵyn bıyl ár salada úzdik nátıje kórsetken 12 qyz-jigit ıelendi. Jeńimpazdarǵa arnaıy dıplom men syıqadege qosa 100 myń teńgelik sertıfıkat tabys etildi.

Oblystyq Jastar saıasaty máseleleri basqarmasy basshysynyń mindetin atqarýshy Nurhat Orashtyń aıtýynsha, baıqaýǵa qatysýǵa 150-den asa ótinish túsken. Arnaıy komıssııa múshelerine júzden júırik, myńnan tulpar jastardy anyqtaý ońaıǵa túspegen. Batys Qazaqstan oblysynyń ákimi Ǵalı Nájimedenuly bastaǵan belgili tulǵalar tabys etken syılyq ıeleri qatarynda H.Bókeeva atyndaǵy oblystyq qazaq drama teatrynyń kórkemdik jetekshisi, aktıor Jasqaırat Sábıtuly («Úzdik jas ónerpaz»), «Syrym eli» qoǵamdyq-saıası gazetiniń redaktory, aqyn Baýyrjan Shırmedınuly («Úzdik jas jýrnalıst»), Juban Moldaǵalıev atyndaǵy kitaphana kitaphanashysy Farıza Aıtymova («Úzdik jas maman») jáne basqalary bar.

Dál osy saltanatty shara aldynda Batys Qazaqstan oblysy ákimdigi janyndaǵy jastar isteri jónindegi keńes otyrysy ótken bolatyn. Onda Jastar jyly óńirdegi jastardy qoldaý maqsatynda atqarylǵan jáne aldaǵy «Eriktiler jyly» atqarylar jumystar jaıy talqylandy.

- Oblysta 132 myńnan astam jas bar. Olar oblys turǵyndarynyń 20,3%-yn quraıdy. Iаǵnı oblystyń árbir besinshi turǵyny jastar ókili bolyp keledi. О́ńirde 89 jastar qoǵamdyq birlestigi jáne jastarmen jumys isteıtin 14 resýrstyq ortalyq bar. Jalpy oblysta jastar saıasatyna 3 mlrd. teńgeden astam qarajat bólinip, birqatar keshendi jumys atqaryldy. Alda atqarylar jumystar az emes, - deıdi oblys ákimi Ǵalı Esqalıev.

Batys Qazaqstan oblystyq jastar saıasaty máseleleri basqarmasy basshysynyń mindetin atqarýshy Nurhat Orashtyń baıandaýynsha, 2019 jyly memlekettik baǵdarlamalar men jobalardyń kómegimen 8 myńǵa jýyq jas jumyspen qamtylǵan. «Zhas project» jobasy boıynsha 771 joba usynylyp, 217 joba maquldanyp, 500 mln. teńge kóleminde granttyq qarjy berilgen.

Oral stýdentteri alıansynyń kóshbasshysy Mýsa Kóneevtiń aıtýynsha, óńir eriktilerdiń belsendiligi boıynsha elimiz boıynsha úshinshiorynda tur eken. «Qazvolunteer.kz» eriktiler portalyna BQO-dan 23 mekeme, 432 erikti tirkelgen.

Batysqazaqstandyq jastar aldaǵy jyly talaı jasampaz bastamaǵa muryndyq bolmaq. «Jasyl el» Batys Qazaqstan oblystyq shtabynyń jetekshisi Asylan Tapıshev stýdenttik qurylys jasaqtary jumys formatyn qaıta jańǵyrtý máselesin kóterse, qaratóbelik Eldar Amantaev Eriktiler jylynda kásipkerler men jastardyń kúsh-jigerin biriktirýdi usyndy. Nurǵalı Joldasqalıev aýyl jastaryn qoldaýǵa baǵyttalǵan «Jastar kerýeni» jobasy jaıynda áńgimelep, «Dıplommen aýylǵa» baǵdarlamasy boıynsha aýyldarǵa keletin jas mamandarǵa arnap jańa úı salýdy surady.

О́ńirde «Zhas Project» jobasyna bıyl 697 jas qatysyp, 54 joba qala aýmaǵynda, 163 joba aýyldyq jerde iske asyrylǵan. Sóıtip, shalǵaı aýyldarda naýbaıhana, kondıterlik seh, shashtaraz jáne basqa da nysandar ashyldy.

- Jastar jyly kóptegen jumys atqaryldy. Bul baǵyttaǵy isterimiz aldaǵy jyly da jalǵasady. Eriktiler jylynyń jumysyn qazirden bastap qolǵa alý qajet. Búginde oblys aýmaǵynda 60-tan astam eriktiler uıymy men 10 myńǵa jýyq erikti belsendi jumys isteýde. Bul óńirimizde eriktiler qozǵalysynyń jaqsy jolǵa qoıylǵanyn kórsetedi. Endi ár aýdandaǵy eriktiler uıymdaryn «Aqjaıyq volonterleri» eriktiler korpýsyna biriktirip, birlesip jumys isteýi qajet. Sonda jumys nátıjeli bolmaq, - deıdi óńir basshysy Ǵalı Esqalıev.

 

Sýretti túsirgen Meıirbek TÁJQURANOV

 

Batys Qazaqstan

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar