Ekonomıka • 13 Jeltoqsan, 2019

Qazaqstan ekonomıkasynyń ósimi 11 aıda 4,4% qurady

20 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda 2019 jyldyń qańtar-qarasha aılaryndaǵy áleýmettik-ekonomıkalyq damý jáne respýblıkalyq bıýdjettiń atqarylý qorytyndysy qaraldy. Bul týraly primeminister.kz habarlady.

Ekonomıkanyń, bank salasynyń jaı-kúıi, respýblıkalyq bıýdjettiń oryndalýy, memlekettik satyp alýlardaǵy jergilikti qamtý týraly ulttyq ekonomıka mınıstri R. Dálenov, Ulttyq Bank tóraǵasy E. Dosaev, Premer-Mınıstrdiń birinshi orynbasary - Qarjy mınıstri Á. Smaıylov baıandady. 

Qazaqstan ekonomıkasy turaqty ósý qarqynyn kórsetip otyr - 2019 jyldyń qańtar-qarasha aılarynda JIО́ ósimi ótken jyldyń tıisti kezeńine 4,4% qurady.  

Qurylysta – 12,1%, saýdada – 7,5%, kólik salasynda – 5,6%, óńdeý sektorynda, onyń ishinde mashınajasaýda – 19,2%, avtomobıl jasaýda – 64%, jeńil ónerkásipte – 16,6%, tústi metaldar óndirisinde – 6,8%, koks jáne munaı óńdeý ónimderinde – 5,3%, metall kenin óndirýde – 15,7%, baılanys qyzmetterinde – 4,7%, ónerkásipte – 3,6% oń dınamıka baıqalyp otyr. Ulttyq qor aktıvteri 4,3%-ǵa, $60,5 mlrd-qa deıin ósti, respýblıkalyq bıýdjetke kirister – 9595,7 mlrd teńge (josparǵa 100,2%), ósý qarqyny 117,6% qurady.

«Elbasy Nursultan Ábishuly Nazarbaev jáne Memleket basshysy Qasym-Jomart Toqaev bizdiń aldymyzǵa ekonomıkanyń turaqty ósimin qamtamasyz etý mindetin qoıdy», - dedi A. Mamın.

Premer-Mınıstr salalyq mınıstrlikter men óńirlerdiń basshylaryna kórsetkishterdi josparlyq mánderine shyǵarý boıynsha barlyq qajetti sharalardy qabyldaýdy tapsyrdy. 

Úkimet basshysy a.j. 11 aıynyń qorytyndysy boıynsha ekonomıkanyń damýynyń joǵarǵy ósimi baıqalyp otyrǵan Aqtóbe, Jambyl, Shyǵys Qazaqstan, Qaraǵandy, Túrkistan oblystarynyń ákimdikteriniń jumysyna oń baǵa berdi. Artta qalǵan ákimdikterge problemalyq kórsetkishterge qatysty máselelerdi túzetý boıynsha tıisti sharalar qabyldaý qajettigi atap kórsetildi. 

Bıýdjet qarajatynyń ıgerilmeýine jol bergen ákimder men memlekettik organdardyń basshylary tyńdaldy.

«Bıýdjettiń kiris bóligi boıynsha bıylǵy jyldyń josparyn asyra oryndaý baıqaldy. Biraq, birqatar ákimshiler áli de bıýdjet qarajatynyń ıgerilmeýine jol berip otyr», - dedi A. Mamın.

Úkimet basshysy bıýdjettik baǵdarlamalar ákimshilerine qarjylyq jyldyń sońyna deıin (a.j. 20 jeltoqsanyna) bólingen bıýdjet qarajatyn tolyq kólemde ıgerý boıynsha sharalar qabyldaýdy tapsyrdy. 

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar