Aımaqtar • 13 Jeltoqsan, 2019

Soltústik Qazaqstan Táýelsizdik kúnin atap ótti

14 retkórsetildi

Soltústik Qazaqstan oblysynyń eń úlken sahnasy – N.Pogodın atyndaǵy teatrda Qazaqstan Táýelsizdiginiń 28 jyldyǵyna arnalǵan saltanatty jıyn boldy.

Onda oblys ákimi Qumar Aqsaqalov baıandama jasap, óńirdiń 28 jylda qol jetkizgen jetistikterin saralady. Osynaý jyldarda elimiz ekonomıkalyq qysymshylyqtardyń, uly daǵdarystardyń adam aıtsa sengisiz qıynshylyqtaryn bastan ótkizip, ony jyl ótken saıyn eńsere berdi. Búgingi Qazaqstan álem tanyǵan baıypty, turaqty memleket. Ol ekonomıkasy turaqty ǵana el emes, ónerden, mádenıetten, sporttan álemniń aldyna shyqqan salaýatty el. Keshe ǵana Dımash Qudaıbergenov Amerıkany «baǵyndyrsa», osyndaı tabystarǵa soltústikqazaqstandyqtar da óziniń úlesin qosyp keledi. A.Vınokýrov, J.Jaqııanov sporttan álemdik tabystarǵa qol jetkizse, Samal Eslámova KSRO-nyń birde-bir ártisi ala almaǵan bıikti baǵyndyryp, dúnıejúzilik eń bedeldi Kann kınofestıvalinde «eń úzdik áıel rólin» oınaǵan aktrısa atanyp, elimizge olja saldy. 

Sonymen qatar baıandamada Soltústik Qazaqstannyń ekonomıkanyń, halyqty áleýmettik qorǵaýdyń barlyq salalary boıynsha bıik belesterdi baǵyndyryp kele jatqany aıtyldy.

«Qazaqstannyń 30 jyldaǵy ekonomıkalyq damýyn saralap otyryp, aýqymdy jumystardyń atqarylǵanyn kórýge bolady. Osyny saqtap, eseleý bizge amanat. 1991 jyldan beri astyq kólemi 2 esege ulǵaıdy. Táýelsizdik jyldary oblysta 3 mıllıon sharshy metrden astam baspana berildi. О́ńirdi damytýǵa arnalǵan jospar da óz jemisin berýde», - dedi Qumar Aqsaqalov.

Búgingi tabystardyń qatarynda ákim bıyl oblystyń bes mıllıon tonnadan artyq astyq jınaǵanyn aýyzǵa aldy. Sonymen qatar oblysta dárigerlik keshenniń salynýy qolǵa alynǵanyn, «Qyzyljar» erkin ekonomıkalyq aımaǵy ashylǵanyn  atap ótti.

Baıandamadan soń ákim eldiń ekonomıkalyq jáne áleýmettik damýyna belsendilikpen úles qosqan bir top azamatqa Prezıdent Q.Toqaevtyń Jarlyǵymen berilgen orden-medaldardy jáne Qurmetti ataqtardy tabys etti.

 

Soltústik Qazaqstan oblysy 

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar