Memlekettiń kepildigimen beriletin bilim nesıesine kepildikke múlik qoıýdyń qajeti joq. Bul týraly «QazAqparat» agenttininiń tilshisi habarlady.
Bul týraly búgin Astanada bilim berý nesıelerin alý múmkindikteri men sharttaryna arnalǵan baspasóz máslıhatynda «Qarjy ortalyǵy» AQ prezıdenti Zabıra Orazalıeva málim etti.
Bıylǵy 22 shildede Qazaqstanda kolledjder, kásiptik mektepter men UBT tapsyrmaǵan orta mektep túlekteri, sondaı-aq halyqaralyq oqýshylar almasý jelisi boıynsha shetelde oqyǵan mektep túlekteri qatysqan keshendi testileý aıaqtaldy. Endi olar UBT tapsyrǵan túlektermen birge memlekettik bilim granttaryn taǵaıyndaý konkýrsyna qatysady.
«Alaıda, barlyǵy birdeı grantqa iline almaıdy. Sondyqtan memlekettik bilim berý grantynan tys qalǵandar, oqýǵa qarajaty bolmaǵan talapkerler nemese stýdentter oqýynyń aqysyn tóleý úshin memlekettiń kepildigimen usynylatyn bilim berý nesıesin alý múmkindigi bar»,-dedi Z. Orazalıeva.
Onyń sózine qaraǵanda, jalpy bul nesıe ekinshi deńgeıli bankter tarapynan beriledi. Onyń bir ereksheligi, dúnıe-múlikti kepildikke qoıýdyń qajeti joq. О́ıtkeni, nesıe úshin kepildemeni «Qarjy ortalyǵy beredi.
«Qazirgi kezde «Qarjy ortalyǵy» AQ-men birlesip jumys istep jatqan 4 bank bar. Olardyń ishinde «Halyq Banki», «Alıans Bank», «BTA Bank», «Reseıdiń jınaqtaýshy banki» sekildi ekinshi deńgeıli bankter qamtylǵan»,-dedi ol.
Taratylǵan málimetterge qaraǵanda, jalpy nesıeler 9 paıyzdan bastalady.
Sáken Maılybaı.
