Aımaqtar • 13 Jeltoqsan, 2019

Jas otbasylar baspanaly boldy

13 ret kórsetildi

Táýelsizdik kúni qarsańynda Syrdarııa ózeniniń sol jaǵalaýynda salynyp jatqan turǵyn úılerdiń tórteýi paıdalanýǵa berildi. «Nurly-Jer» baǵdarlamasy aıasynda salynǵan baspana kiltterin tabystaý saltanatyna oblys ákimi Qýanyshbek Ysqaqov qatysty.

Sońǵy jyldary Qyzylorda qalasynda 15 jańa shaǵyn aýdan boı kóterip, 7 myńnan astam adam baspanaly boldy. Bıyldyń ózinde 1000 jýyq páterdiń kilti tabystalypty. Turǵyn úılerdiń jalpy aýdany - 10 myń 900 sharshy metr. Oblysta salynyp jatqan qurylystyń 31,4 paıyzy - Qyzylorda qalasynyń úlesinde.

Qazir qalanyń sol jaǵalaýynda respýblıkalyq, oblystyq bıýdjetterden 820 páterlik 16 kópqabatty arendalyq turǵyn úı men 830 páterlik 17 kópqabatty kredıttik turǵyn úı qurylystary júrgizilýde. Qarjylandyrýdyń barlyq kózderi esebinen osyǵan deıin jalpy aýdany 381 myń 308 sharshy metr turǵyn úı paıdalanýǵa berildi.  

Saltanatty sharada oblys ákimi Q.Ysqaqov jańa baspana ıelerin quttyqtap, jyly lebizin jetkizdi.

- Sol jaǵalaýda jańa qala salý bastamasyn qoldaǵan qurylys kompanııalaryna turǵyndar atynan alǵysymdy aıtamyn. Qurmetti jerlester, qonys toılaryńyz qutty bolsyn! Qýanyshtaryńyz kóbeıe bersin,- dedi aımaq basshysy.

Jańa úıden páter alǵandardyń kópshiligi jas otbasylar. Olardyń ishinde dárigerler men ustazdar, quqyq qorǵaý salasynyń qyzmetkerleri bar.

Sońǵy jańalyqtar

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar