Bul fotosýretter 2019 jyldyń 15-21 qazany aralyǵynda Batys Qazaqstan oblysynyń aýmaǵynda ótken «Araıly Aqjaıyq» ekspedısııasy barysynda túsirilgen edi. Ekspedısııa aımaqtaǵy týrızmniń damý múmkindikterin kórsetýdi kózdegen bolatyn. Kásipqoı fotograftardan qurylǵan top óńirdiń tarıhı, kórkem múıisterin aralap, erekshe fotosholý jasap shyqty. «Araıly Aqjaıyq» ekspedısııasy nátıjesinde paıda bolǵan fotosýretter men maqalalar «National Geographic Kazakhstan» jáne Reseıdegi «National geographic» jýrnaldarynda jarııalandy. Mine, osy saparda túsirilgen 30 fotosýret búgingi kórmeniń tórinen oryn tapty.
Fotokórmeniń ashylý saltanatyna Batys Qazaqstan oblysynyń kásipkerlik jáne ındýstrıaldyq-ınnovasııalyq damý basqarmasy Týrızm bóliminiń basshysy Ǵalym Bekqalıev arnaıy kelip, ekspedısııasynyń maqsaty men mindetin kórermenderge baıandap berdi. Mýzeı ekskýrsovody M.Sándibekov fotokórmede beınelengen ár múıistiń tarıhyna, qoıylǵan ár sýrettiń mańyzyna toqtalyp ótti.
«Oral: Qazaqstannyń Batys qaqpasy» fotokórmesi 2020 jyldyń 10 qańtaryna deıin jalǵasady.
Aıta keteıik, Táýelsizdik merekesi qarsańynda Batys Qazaqstan oblystyq tarıhı-ólketaný mýzeıiniń barlyq fılıalynda túrli mańyzdy sharalar, jańa ekspozısııalar, taǵylymdy kezdesýler jappaı ótip jatyr. Jyl boıy uıymdastyrylǵan «Mýzeıstar-2019» jobasy qorytyndylanyp, «Aqjaıyq óńirindegi ónegeli ister» atty kórme oblystyq mýzeıdiń úlken zalynda kórermenderge esik ashty. Al Sáken Ǵumarov mýzeı-úıinde «Elimniń erkindigi – Táýelsizdik» merekelik keshi ótse, Mánshúk Mámetovanyń memorıaldyq mýzeıinde Uly Jeńistiń 75 jyldyǵyna arnalǵan «Uly Jeńis shejiresi» atty patrıottyq aksııamen jalǵasty.
Batys Qazaqstan
