Jaldamaly baspana alǵandardyń qatarynda múmkindigi shekteýli adamdar, kóp balaly otbasylar jáne túrli kategorııadaǵy adamdar bar. Respýblıkalyq bıýdjet qarajatyna satyp alynǵan 268 páter turǵyndarǵa arendalyq baspana berý erejesine sáıkes, jekeshelendirý quqyǵynsyz beriledi.
QR Tuńǵysh Prezıdenti, Elbasy N.Nazarbaev «Prezıdenttiń bes áleýmettik bastamasy» atty halyqqa úndeýinde «Árbir otbasyna baspana alýdyń jańa múmkindikterin berý» kerektigin basyp aıtqan bolatyn. Osy oraıda Mańǵystaý oblysynda qarqyndy jumys atqarylyp jatyr. Aqtaý qalasy - turǵyn úı qurylysy boıynsha respýblıkada kósh bastap turǵan qalalardyń qatarynda. Máselen, qalada 2017 jyly 380,3 (myń) sharshym metrdi quraıtyn, 51 kóp qabatty turǵyn úı qoldanysqa berilse, 2018 jyly 661,5 (myń) sharshy metrdi quraıtyn, 61 kóp qabatty turǵyn úı paıdalanýǵa berilgen. 2019 jyldyń qańtar-qyrkúıek aıynda 448,4 myń sharshy metr, ıaǵnı 2849 páter paıdalanýǵa berildi. Sonymen qatar, jeke qarajat esebinen bıyl jyl sońyna deıin taǵy 72, 2 myń sharshy metr, qoldanysqa beriledi dep kútilýde.
Búgingi tańda «Nurly jer» baǵdarlamasy aıasynda 19A shaǵyn aýdanynda 144 páterlik 2 turǵyn arendalyq turǵyn úı, Aqqý-3 shaǵyn aýdanynan 670 páterlik nesıelik turǵyn úı qurylysy júrgizilýde. Bul úılerdi 2020 jyldyń aıaǵynda paıdalanýǵa berý josparlanǵan. Sonymen qatar, 2020 jyly 19A shaǵynaýdanynan 225 páterlik bes turǵyn úı, 18 shaǵynaýdannan 216 páterlik tórt turǵyn úı salynady dep kútilýde.
Mańǵystaý oblysy
