Qoǵam • 14 Jeltoqsan, 2019

Ýnıversıtette jemqorlyqqa qarsy semınar ótti

300 ret

kórsetildi

1 mın

oqý úshin

Sh.Esenov atyndaǵy KMTIÝ men Sybaılas jemqorlyqqa qarsy is-qımyl agenttiginiń MO boıynsha departamenti arasyndaǵy ózara yntymaqtastyq týraly memorandým aıasynda, ýnıversıtettiń «Bıznes jáne quqyq» fakýlteti, «Quqyqtaný» kafedrasynyń aǵa oqytýshysy G.Q.Izturǵanovanyń uıymdastyrýymen «Zańger» mamandyǵy boıynsha 2-kýrs bilim alýshylaryna «Sybaılas jemqorlyqtyń aldyn alý» taqyrybynda semınar-trenıng ótti. Bul týraly Sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń baspasóz qyzmeti habarlady.

Gúlaıym DÁÝITBAI

Ýnıversıtette jemqorlyqqa qarsy semınar ótti

Halyqaralyq sybaılas jemqorlyqqa qarsy kúres kúnine oraı ótkizilgen bul semınar-trenıngte stýdentter toptyq jumys jasady.

Osy sharaǵa qatysqan departamenttiń Aldyn alý jáne parasattylyq basqarmasynyń bas mamany H.O.Kýspanova qatysýshylarǵa sybaılas jemqorlyqqa qarsy mádenıetti qalyptastyrý mańyzyn túsindirdi.

Qatysýshylar jemqorlyq saldarymen kúresý joldary men qoǵamdy osy iste qatystyrý mańyzdyǵy týraly oı-pikirlerimen bólisti. О́zara talqylanǵan taqyryp boıynsha sheshimderin zań turǵysynda qarastyrý, máseleniń sheshimi týraly óz oılaryn ortaǵa saldy.

Shara barysynda top stýdentteri 2015-2025 jyldarǵa arnalǵan sybaılas jemqorlyqqa qarsy strategııasyn talqylap, TRANSPARENCY INTERNATIONAL halyqaralyq reıtıngindegi Qazaqstannyń pozısııasy boıynsha sybaılas jemqorlyq faktileri boıynsha qylmystyq isterdiń 2017-2019 jyldar aralyǵyndaǵy salystyrmaly statıstıkalyq málimetterimen tanysyp, Hanshaıym Oralbaıqyzynan sybaılas jemqorlyqqa qatysty suraqtaryna jaýaptaryn aldy.

Mańǵystaý oblysy