Prezıdent • 14 Jeltoqsan, 2019

Memleket basshysynyń atyna Táýelsizdik kúnine oraı joldanǵan jedelhattar kelip túsip jatyr

28 retkórsetildi

Qasym-Jomart Toqaevtyń atyna Qazaqstan Respýblıkasynyń Táýelsizdik kúnine oraı shet elderdiń basshylary men halyqaralyq uıymdardan quttyqtaý hattar men jedelhattar kelip túsip jatyr. Bul týraly Aqordanyń baspasóz qyzmeti habarlady. 

Reseı Federasııasynyń Prezıdenti Vladımır Pýtın Memleket basshysy Qasym-Jomart Toqaevty Táýelsizdik merekesimen quttyqtady.

«Sizdiń elińizdiń áleýmettik-ekonomıkalyq, ǵylymı-tehnıkalyq jáne basqa da salalardaǵy jetistikteri jalpyǵa málim. Qazaqstannyń álemdik arenada bedeli bıik, aımaqtyq jáne halyqaralyq kún tártibindegi ózekti máselelerdi sheshýde syndarly ról atqarady. Memleketterimiz arasyndaǵy qarym-qatynas strategııalyq áriptestik jáne odaqtastyq rýhynda jyldam damyp keledi. Ártúrli baǵyttar boıynsha ekijaqty yntymaqtastyq, sondaı-aq, Eýrazııalyq ıntegrasııalyq prosester aıasyndaǵy úılestirý sharalary da oń nátıjesin berýde», – delingen quttyqtaý hatynda.

Vladımır Pýtın Qasym-Jomart Toqaevqa zor densaýlyq, tabys, al Qazaqstan halqyna baq-bereke tiledi.

Qytaı Halyq Respýblıkasynyń Tóraǵasy Sı Szınpın Qazaqstan Táýelsizdiginiń 28 jyldyǵyna oraı, Qytaı Úkimeti men halqynyń jáne jeke óziniń atynan quttyqtaý joldady.

«Men qytaı-qazaq qarym-qatynasynyń damýyna úlken mán beremin. «Bir beldeý, bir jol» jobasyn birlesip júzege asyrý úshin elderimiz ben halqymyzdyń ıgiligi jolynda zor tabystarǵa О́zińizben birlesip jetýge daıynmyn», – dep jazǵan quttyqtaý hatynda.

Sı Szınpın Qazaqstan halqyna ósip-órkendeý tiledi.

Ulybrıtanııa Korolevasy Elızaveta II Qazaqstan Prezıdenti Qasym-Jomart Toqaevty Táýelsizdik kúnimen quttyqtady.

«Joǵary Mártebeli, Sizdi ulttyq merekeńizben zor rızashylyqpen quttyqtaı otyryp, Qazaqstan halqyna baqyt pen órkendeý tileımin», – delingen jedelhatta.

Birikken Arab Ámirlikteriniń Prezıdenti Halıfa Ben Zaıd Ál Nahaıan: «Sizdi jáne dostas halqyńyzdy Táýelsizdik kúnimen shyn júrekten quttyqtaımyn. Joǵary Mártebeli, Sizge zor densaýlyq, baqyt pen sáttilik, al dostas halqyńyzǵa ıgilik pen yrys tileımin», – dep quttyqtaý joldady.

О́zbekstan Respýblıkasynyń Prezıdenti Shavkat Mırzııoev óziniń jáne baýyrlas ózbek halqynyń atynan quttyqtady.

«Biz baýyrlas Qazaqstannyń qoǵamdyq-saıası jáne áleýmettik-ekonomıkalyq damýyndaǵy jáne halyqaralyq arenadaǵy abyroıynyń kún sanap artýyna shyn júrekten qýanyshtymyz. О́zbek-qazaq qarym-qatynasynda barlyq sala boıynsha joǵary senim men ózara túsinistik qalyptasqan. Sizdi jáne Qazaqstan halqyn Táýelsizdik merekesimen quttyqtaımyn», – delingen jedelhatta.

Qyrǵyzstan Respýblıkasynyń Prezıdenti Sooronbaı Jeenbekov Qasym-Jomart Toqaev pen Qazaqstan halqyn Táýelsizdik merekesimen quttyqtap: «Qyrǵyzstan men Qazaqstan arasyndaǵy strategııalyq seriktestik, dostyq, odaqtastyq, tatý kórshilik qatynastar budan bylaı da nyǵaıa beretinine senim bildiremin», – dep jazǵan.

Sondaı-aq, Tájikstan Prezıdenti Emomalı Rahmon, Túrkimenstan Prezıdenti Gýrbangýly Berdimuhamedov, Ázerbaıjan Prezıdenti Ilham Álıev, Ýkraına Prezıdenti Vladımır Zelenskıı elimizdi Táýelsizdik merekesimen quttyqtap, jedelhattaryn joldady. Ýkraına Prezıdenti Vladımır Zelenskıı Qasym-Jomart Toqaevqa: «Saıası-ekonomıkalyq jáne qaýipsizdik máselelerin sheshe otyryp, Qazaqstan Respýblıkasy aımaqtaǵy kóshbasshy jáne álemdik arenada abyroıly memleketke aınaldy. Joǵary Mártebeli, Sizge zor densaýlyq, kúsh-qýat, dostas Qazaqstan halqyna beıbitshilik, bereke men órkendeý tileımin», – dep izgi nıetin joldaǵan.

Koreıa Respýblıkasynyń Prezıdenti Mýn Chje In óziniń quttyqtaý jedelhatynda «Qazaqstan men Koreıa arasyndaǵy dostyq qatynastar túrli saladaǵy tyǵyz yqpaldastyqtyń arqasynda turaqty damyp keledi. Atap aıtqanda joǵary deńgeıdegi belsendi is-qımyldardyń, sonyń ishinde meniń bıylǵy saparymnyń nátıjesinde eki eldiń dostyq qatynastary nyǵaıa túskenine qýanyshtymyn»,– delingen.

Sonymen qatar Qazaqstan Táýelsizdiginiń 28 jyldyǵyna oraı, Qasym-Jomart Toqaevtyń atyna Nıderland Koroli Vıllem-Aleksandr, Malaızııa Koroli Sultan Abdýlla Rııatýddın Ál-Mustafa Bıllah, Belgııa Koroli Fıllıp, Shvesııa Koroli Karl Gýstav, Aýǵanstan Islam Respýblıkasynyń Prezıdenti Mohammad Ashraf Ǵanı, Cheh Respýblıkasynyń Prezıdenti Mılosh Zeman, Majarstan Respýblıkasynyń Prezıdenti Iаnosh Ader, Taıland Koroldiginiń Premer-Mınıstri Praıýt Chan-o-cha, Horvatııa Prezıdenti Kolında Grabar-Kıtarovıch, Bolgarııa Prezıdenti Rýmen Radev, Lıvan Respýblıkasynyń Prezıdenti Mıshel Aýn, Latvııa Respýblıkasynyń Prezıdenti Egıls Levıts,  Irak Respýblıkasynyń Prezıdenti Barham Saleh, Grekııa Respýblıkasynyń Prezıdenti Prokopıs Pavlopýlos, Kanadanyń General-gýbernatory Jıýlı Paıett, Ábý-Dabıdiń murager hanzadasy Muhammed ıbn Zaıd Ál Nahaıan, TMD Atqarý komıtetiniń tóraǵasy – Atqarýshy hatshysy Sergeı Lebedev, Islam yntymaqtastyǵy uıymynyń Bas hatshysy Iýsef Ál-Oseımen, Birikken Arab Ámirlikteriniń vıse-prezıdenti, Premer-mınıstr, Dýbaı ámirliginiń bıleýshisi Muhammed Ben Rashıd Ál Maktým, Ujymdyq qaýipsizdik sharty uıymy Bas hatshysynyń mindetin atqarýshy Valerıı Semerıkovten quttyqtaý jedelhattary keldi.

Sońǵy jańalyqtar

Nur-Sultanda 11 áýe reısi toqtatyldy

Qazaqstan • Búgin, 15:17

Aqyn toıy týǵan topyraǵynda jalǵasty

Aımaqtar • Búgin, 13:02

Tiri maldy satý - tıimsiz

Aımaqtar • Búgin, 12:25

Qus eti naryǵy jýyq arada qalaı damıdy?

Ekonomıka • Búgin, 12:08

Almaty bıznesi etek-jeńin jyıa bastady

Aımaqtar • Búgin, 11:35

Uly Abaı murasy Kereký elinde

Rýhanııat • Búgin, 10:23

Abaıdy taný – asyl paryz

Rýhanııat • Búgin, 09:21

Jaýapkershilikke tartý usynyldy

Saıasat • Búgin, 08:35

Jyl saıyn 100 vagon jańartylady

Qoǵam • Búgin, 08:33

Ulaǵat uqqan ushpaqqa shyǵady

Aımaqtar • Búgin, 08:28

«Sýretti túsirgen Mamyrjan Botabekov»

Rýhanııat • Búgin, 08:20

Káripbektiń kórmesi

Rýhanııat • Búgin, 08:17

Besaǵashtyqtardyń berekeli bastamasy

Aımaqtar • Búgin, 08:13

Hakim esimi laıyqty ulyqtalyp keledi

Rýhanııat • Búgin, 08:10

О́tkenniń sabaǵy esińde qalady

Tarıh • Búgin, 08:07

Uıatsyzdyq azdyrar adam balasyn

Rýhanııat • Búgin, 08:03

Poster-patrıottyq jasasyn!

Qoǵam • Búgin, 08:00

Kamera aldynda oıqastaǵan qar barysy

Ekologııa • Búgin, 07:57

SNPS kelisimdi oryndamaı otyr

Ekonomıka • Búgin, 07:52

Úsh jylǵa salyqtan bosatyldy

Ekonomıka • Búgin, 07:50

Jánibek aýdanynda et óndirý artty

Aımaqtar • Búgin, 07:48

Rýhanı jańǵyrýdyń negizgi kilti

Rýhanııat • Búgin, 07:46

Taǵylymy mol tarıhı maqala

Rýhanııat • Búgin, 07:42

Qazaqtyń «haılaılymy»

Rýhanııat • Búgin, 07:40

Dosym oqyǵan kitap

Aımaqtar • Búgin, 07:38

Ustazdyń aldyn kespeıdi

Qoǵam • Búgin, 07:31

Elimizdegi eń úlken eskertkish

Rýhanııat • Búgin, 07:25

Uqsas jańalyqtar