Qoǵam • 14 Jeltoqsan, 2019

Túrkistan: Polısııa basqarmasynyń bastyǵy «ájethana kúzetpegen» ustazdan keshirim surady

476 retkórsetildi

Túrkistandaǵy Maǵjan Jumabaev atyndaǵy№15 mekteptiń muǵalimin «ájethana kúzetpegeni úshin» ustap áketken qalalyq Polısııa basqarmasynyń bastyǵy Danııar Meıirhan ustazdan keshirim surady. Bul týraly qala ákimi Rashıd Aıýpov óziniń Facebook paraqshasynda jazdy. 

«Túrkistandaǵy №15 mektepte oryn alǵan jaǵdaı barshamyzdy alańdatty. Bul jaǵdaıdy óz baqylaýyma alyp, mán-jaıyn anyqtadyq. Keleńsiz jaǵdaılar oryn alyp jatady. Biraq, ustazdyń orny bólek, árdaıym bedeli bıik. Balalarǵa bilim beretin jandar qashan da bizdiń qoldaýymyz ben qamqorymyzǵa júgine alatynyna senimdi bolýy tıis. Qalalyq ishki ister bóliminiń bastyǵymen birge ustaz aldyna bardyq. Ustaz úıinde polısııa basshysy keshirim surady, ustaz keshirimin berdi. Mundaı jaǵdaılar qaıtalanbas úshin barlyq sharalar jasalatynyn habarlaımyz» dep jazdy ákim. 

Oqıǵa qalaı órbigen edi? 31 jyldyq eńbek ótili bar ustaz Baqyt Keýkenovti qalalyq Polısııa basqarmasynyń bastyǵy, polısııa podpolkovnıgi Danııar Meıirhan bastaǵan bir top polıseı ustap áketken edi. Mektep dırektory K. Ábdiqadyrovanyń jazýynsha, muǵalim aıaq kıiminen sý ótken soń, sony aýystyrý úshin mektep ǵımaratyna kirgen. Alaıda polıseıler qarsylyq kórsetkenine qaramastan ustazdyń qolyn qaıyryp, bólimshege alyp ketken kórinedi. Bul jaǵdaıdy sol jerden ótip bara jatqan ustazdar men oqýshylar kórgen. Polısııa bolǵan oqıǵa boıynsha arnaıy hattama toltyryp, aıyppul rásimdep, tóletken. Keıin bul jaǵdaıdy estigen Bilim jáne ǵylym mınıstri Ashat Aımaǵambetov muǵalimge arasha tústi.

«Túrkistan qalasyndaǵy №15 mekteptiń muǵalimine qatysty bolǵan oqıǵaǵa uqsas jaǵdaıǵa múldem jol berilmeýi tıis. Bilim jáne ǵylym mınıstrligi tarapynan bul muǵalimdi qorǵaý boıynsha barlyq qajetti sharalar qabyldanatyn bolady. Sondaı-aq, atalǵan oqıǵaǵa qatysy bar adamdardy jaýapkershilikke tartýdy talap etetin bolamyz. Onyń ishinde, mektep ákimshiligi men bilim bólimine de qatysty. Balalardyń qaýipsizdigin qamtamasyz etý - yńǵaıly jáne qaýipsiz jaǵdaı jasaý arqyly júzege asyrylýy tıis dep sanaımyn. Eger osyndaı faktiler qaıtalanatyn bolsa, qatań sharalar qoldanylady. Oryn alǵan jaǵdaıdyń sebepterin jan-jaqty túsiný úshin muǵalimmen telefon arqyly sóılestim. Jaǵdaı meniń jeke baqylaýymda», - dep jazdy mınıstr.  

a

 

Sońǵy jańalyqtar

Qys qysymyn adam kúshi jeńýde

Aımaqtar • Búgin, 16:56

Shyǵys Qazaqstanda jedel shtab quryldy

Aımaqtar • Búgin, 16:18

Tarazda «Antikor ortalygy» ashyldy

Aımaqtar • Búgin, 16:10

Kókshetaýda Abaı ádebı ortalyǵy ashyldy

Rýhanııat • Búgin, 16:05

SpaceX kóktemde ǵaryshqa adam attandyrmaqshy

Tehnologııa • Búgin, 15:31

Tarazdyq turǵyndardyń tilegi kóp

Aımaqtar • Búgin, 15:24

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Uqsas jańalyqtar