Atalmysh týrnırdi uymdastyrýǵa Almaty qalasy Qoǵamdyq damý basqarmasynyń qoldaýymen Halyqaralyq «Janashyr» qoǵamdyq qory jáne Qazaqstan shahmat federasııasy uıytqy boldy.
Zamanaýı álemde elderdiń ekonomıkalary ǵana emes, tutastaı mádenıetter de básekege túsip otyr. Aýyzdyqtarymen alysqan alpaýyt eldermen terezesi teń bolýdyń alǵysharttarynyń biri – óskeleń urpaqtyń boıyna ulttyq qundylyqtardy sińirip, qatparlanǵan tarıhyn jadynda saqtaý ekendigi daýsyz.
Bul da «Rýhanı jańǵyrý» memlekettik baǵdarlamasynyń bir ustyny bolyp tabylmaq. Ár eldiń ómir keńistiginde júrip ótken soqpaǵy kóp dańǵyl joly bar. «Jeltoqsan oqıǵasy» da qaımana qazaqtyń sol soqpaqtarynyń biri. Qansha qasiretti bolsa da ony este saqtap, ulaǵat etip urpaqqa jetkizý tarıh aldyndaǵy mindet.
Sondaı ulaǵatty istiń biri – halyqtyń qaharman uly Qaırat Rysqulbekov atyndaǵy shahmat týrnıri. Osy arqyly qaharman uldarynyń esimin ulttyń jadynda jańǵyrtý, erligin jastarǵa úlgi etý.
Týrnırge respýblıkanyń ár óńirinen jıyrma talapker qatysýǵa ótinish bildirgen. Shamat jarysyna jınalǵan jastar, aldymen jeltoqsanshylardyń Táýelsizdikti arqaý etken áńgimelerin tyńdady. Jeltoqsan oqıǵasynan, Qaırat Rysqulbekovtiń erliginen syr shertildi.
Osydan keıin bastaý alǵan blıs-týrnırge Qazaqstan shahmat federasııasynyń ókilderi tórelik etti. Oılylar oıynyna qatysýshylar ózara baq synasyp, úsheýi sýyrylyp alǵa shyqty. Úzdik oıyn kórsetken Jalmahanov Ramazan – birinshi oryn, Ańsat Aldııar – ekinshi oryn, Isankýlov Arystan – úshinshi oryndardy ıemdendi.
Oıyn barysyn baqylap, oıynshylarǵa demeý kórsetip otyrǵan jeltoqsanshylar jeńimpazdardyń marapattaryn tapsyryp, shyn yqylaspen quttyqtaýlaryn jetkizdi.
ALMATY
