Aımaqtar • 15 Jeltoqsan, 2019

Qyzylorda oblysy Shıeli aýdanynda jańa aýrýhana ashyldy

30 retkórsetildi

Táýelsizdik merekesine oraı Syr óńirinde birneshe nysan paıdalanýǵa berildi. Shıeli aýdanynda jańa aýrýhananyń ashylý saltanatyna oblys ákimi Qýanyshbek Ysqaqov pen Densaýlyq saqtaý vıse-mınıstri Oljas Ábishev qatysty.

Qurylysy 2017 jyldyń jeltoqsan aıynda bastalǵan  aýrýhananyń jobalyq quny 5 mlrd 5 mln teńge. Jańa medısınalyq mekemede barlyq qyzmet túri kórsetiledi. Aýrýhana qoldanysta buryn da bolǵan, biraq, qazir qyzmeti birneshe ese jetildirilgen laproskopııalyq ota jasaıtyn vıdeostoıka, shala týǵan nárestelerdi birqalypty jylýda ustap turatyn kıývez sekildi jańa tehnıkalyq jabdyqtarmen qamtylǵan.

Aımaq basshysy aýdan halqyn jańa nysannyń ashylýymen quttyqtap, Syr óńiri áleýmettik salaǵa qarjy bólýden aımaqtar arasynda kósh bastap turǵanyn atap ótti.

- Áleýmettik saladaǵy eń mańyzdy baǵyt - densaýlyq saqtaý qyzmetiniń sapasy men onyń qoljetimdiligin qamtamasyz etý. Memleket basshysy «Aqyldy qalalar», sıfrlyq aktıvter quraldary sııaqty tyń tehnologııalyq qubylystarǵa beıimdeý, sıfrlyq qyzmetterdiń jahandyq naryǵyna qatysý úshin ashyq ıýrısdıksııa retinde ózindik brendke aınalýy tıis dep tapsyrǵan bolatyn. Osy oraıda, aımaǵymyzdaǵy medısınalyq ortalyqtar sıfrlyq qyzmet kórsetý jumysyna kóshti. Barshańyzdy azamattarymyzdyń densaýlyǵyn jaqsartatyn jańa aýrýhananyń ashylýymen quttyqtaımyn, - dedi óńir basshysy.

Emdeý mekemeleriniń materıaldyq tehnıkalyq bazasyn jaqsartý maqsatynda aýdanaralyq aýrýhananyń jańa ǵımaratyna quny 2 mlrd 226 mln teńge bolatyn qural-jabdyqtar berilip otyr.

Densaýlyq saqtaý vıse-mınıstri Oljas Ábishev 2025 jylǵa deıin oblys ortalyǵynda ǵana emes, aýdan men eldi mekenderde de jańa aýrýhanalar salý josparda turǵandyǵyn jetkizdi. Mınıstr orynbasary mindetti áleýmettik medısınalyq saqtandyrý bastamasy memleket tarapynan azamattarǵa jasalǵan úlken qoldaý ekendigin de atap ótti.

ýý

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar