Qoǵam • 15 Jeltoqsan, 2019

Almatyda balalar úıleri túlekterine qoldaý kórsetýdiń jańa tásili usynyldy

20 retkórsetildi

Almaty qalasy ákimdiginiń baspasóz ortalyǵynda balalar úıleri túlekterine qoldaý kórsetý týraly brıfıng bolyp ótip, onda jumysyn belsendi júrgizip kele jatqan «Qazaqstannyń balalar úıleri túlekteriniń qaýymdastyǵy» jumystyń jańa formalary men tetikteri týraly sóz qozǵady.

Qazaqstandaǵy balalar úıleri túlekterine qoldaý kórsetý jaıy tek búgin ǵana kóterilip otyrǵan joq. Qaýymdastyqtyń prezıdenti Rafael Gasanov jumystyń jańa ádisterin tıimdi paıdalana otyryp, balalar úıine baılanysty qoldanystaǵy is-qımyl algorıtmin túbirinen ózgertpeıinshe, qoǵamdastyq jumysyn alǵa jyljytýdyń múmkin emestigin atap ótti.

Aımaqtyq Bilim basqarmasy óńirler qaýymdastyqtarymen birigip balalar úıleri túlekteriniń áleýmettik ortaǵa enýine shyǵarmashylyqpen jáne jaýapkershilikpen qaraýy tıis, bul iske qoǵamdyq uıymdar, bilim ortalyqtary, bıznes qaýymdastyqtar da keńinen tartylýy kerek. Sonymen qatar óńirlerdegi jergilikti atqarý organdary áleýmettik-ekonomıkalyq máseleni sheshý úshin balalar úıleri túlekteriniń jaldamaly páterler alýyna yqpal etýi qajet.

«Qaýymdastyqtyń barlyq bastamalary qundylyqtar bıiginen iske asyp otyr, biz muny basty baǵdar etip aldyq. Bul  ádildik, senim jáne adamgershilik» deıdi Rafael Gasanov.

Aıta keterligi, qıyn jaǵdaıǵa dýshar bolǵan Qazaqstannyń balalar úıleri túlekteri úshin «Aıala» qanatqaqty jobasy qolǵa alyndy, onyń barysynda arnaıy jumys oryndary qurylyp, zańgerler men psıhologtardyń kómegi uıymdastyrylady. R.Gasanovtyń aıtýynsha, túlekterdiń áleýmettik ortaǵa batyl enýi úshin barynsha utymdy ári paıdaly ádisterdi qoldaýy qajet.

Olar ortalyq áleýmettik qyzmettiń segiz túrin usynady: áleýmettik-medısınalyq, áleýmettik-quqyqtyq, áleýmettik-turmystyq, áleýmettik-psıhologııalyq, áleýmettik-pedagogıkalyq, áleýmettik eńbekpen qamtý, áleýmettik-ekonomıkalyq jáne áleýmettik-mádenı kómekter. Bulardyń barlyǵy balalar úıleri túlekterine zańnamalyq, psıhologııalyq keńester arqyly kórsetiletin bolady. Qyzmet túrleri ár túlekke jeke nemese syrttaı jáne №150 senim telefony arqyly usynylady, toptyq keńester, aǵartý semınarlary, trenıngter, áńgimelesý jáne basqa da ádister arqyly kórsetiledi.

2019 jyly Qaýymdastyq 1289 ótinish tirkedi, ol  ótinishterdiń 689-y tikeleı baspana-páterge qatysty jazylǵan. О́tinishterdiń úshten biri jumysqa ornalastyrýdy, JOO oqý úshin memlekettik grant bólýdi, endi biri qarjylyq kómek kórsetýdi suraıdy.

Rafael Gasanov óz sózinde Almaty qalasynyń qoljetimdi baspana baǵdarlamasyn júzege asyrýda kóshbasshy ekenin atap ótti. Osy baǵdarlama aıasynda Almaty qalasynyń ákimdigi balalar úıleriniń túlekterine 61 páterdiń kiltin tabys etken, bul ótken jylǵy kórsetkishten úsh ese kóp.  Qazirgi kezde «Jastar úıi» KMB áleýmettik mekemelerdiń 190 túlegi turyp jatyr, olardyń ishinde: «Jastar úıinde» - 80 túlek, bes qabatty «Jastar úıinde» – 110 túlek turyp jatyr.

«Qazaqstannyń balalar úıleri túlekteriniń konstıtýsııalyq quqyqtarynyń buzylýy kez kelgen kúrdeli jaǵdaıǵa uryndyrýy múmkin, sondyqtan onyń aldyn alý óte mańyzdy», – dep qortyndylady sózin Rafael Gasanov.

 

ALMATY

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar