Memleket basshysy Nursultan Nazarbaev Qazaqstan Respýblıkasy Ulttyq Bankiniń tóraǵasy Grıgorıı Marchenkony qabyldady, dep habarlady Prezıdenttiń baspasóz qyzmeti.
G.Marchenko negizgi makroekonomıkalyq kórsetkishter men valıýta naryǵyndaǵy ahýal týraly málimdedi.
Memleket basshysy qazirgi ýaqytta altyn-valıýta rezervteri kólemin, sondaı-aq otandyq ekonomıkanyń damý qarqynyn eskergende ulttyq valıýtanyń devalvasııaǵa ushyraýyna eshqandaı negiz joqtyǵyn atap ótip, bul rette Ulttyq Bank jumysyn bastapqy rejimde jalǵastyrý qajettigine toqtaldy.
Ulttyq Bank tóraǵasy qarjy naryǵynyń barlyq segmenti boıynsha ornyqty ósim baıqalǵanyn, al ınflıasııa deńgeıi 2012 jylǵy shilde men bıylǵy shilde aralyǵynda 5,9 paıyzdy quraǵanyn jáne josparlanǵannan 6-8 paıyz tómen turǵanyn habardar etti.
Kezdesý qorytyndysynda Memleket basshysy qarjy júıesiniń turaqtylyǵy men ekonomıkanyń damý qarqynyn saqtaýdy qamtamasyz etý jóninde birqatar naqty tapsyrmalar berdi.
