Qazaqstan Jazýshylary kitaphanasynda Abaı klýbynyń resmı ashylýy ótti. Saltanatty rásimge qatysqan Muhtar Áýezov atyndaǵy Ádebıet jáne óner ınstıtýty Abaıtaný bóliminiń meńgerýshisi, professor Serikqazy Qorabaı, ádebıettanýshy ǵalym, Abaı atyndaǵy QazUPÝ-diń professory Marat Bekbosyn, Qazaqstan Jazýshylar odaǵynyń múshesi, tanymal aqyn Murathan Shoqan, kitaphana meńgerýshisi Elena Aǵaısa «Abaı» klýbynyń lentasyn qıdy.
Merekelik is-sharany Serikqazy Qorabaı júrgizdi. Jıyn barysynda ádebıettanýshylar men aqyn-jazýshylar, Abaıdyń aǵasy Tákejannyń besinshi urpaǵy, Almaty qalasy ákimdigi «Tilderdi damytý jáne latyn grafıkasyna kóshý» bóliminiń bas mamany Erkejan Seıtqazy tyń oılaryn ortaǵa saldy.
«Abaı áli de nasıhattalýy» kerek ekenin aıtty. Ásirese, óskeleń urpaq uly aqyn týraly bilýi tıis.
Jastar hakim Abaıdyń óleńderi men qarasózderin oqyp, ánderin shyrqap, kórinister kórsetti. Kitaphana meńgerýshisi Abaıdyń shyǵarmalaryna arnalǵan kitap kórmesimen tanystyryp, Abaıdyń qara sózderinen mysal keltirip, klýb jumysyna sáttilik tiledi.
ALMATY
