1914 jyly Semeıdegi oqytýshylar semınarııasyna qabyldanady. Ony 1918 jyly aıaqtap shyǵady. 1911-1914 jyldary aýylda muǵalim bolyp isteıdi.
1919-1922 jyldary – Respýblıka Halyq aǵartý komıssarıatynyń alqa múshesi, Semeı gýbernııasy oqý bóliminiń bastyǵy, “Qazaq tili” gazetiniń redaktory. “Eńbekshi qazaqqa” da basshylyq jasaıtyn kezi osy tus.
1922-1924 jyldary Qarqaraly óńirinde muǵalimdik qyzmette bolady. 1924-1926 jyldary “Aq jol” gazetinde ádebı qyzmetker (Tashkent), 1926-1929 jyldary Shymkent pedagogıka tehnıkýmynyń dırektory qyzmetterin atqarady.
1929 jylǵy bastalǵan keńestik qýǵyn-súrgin kezinde qamalyp, 1931 jyly atyldy.
J.Aımaýytov óziniń qysqa ǵumyrynda artyna asa baı ádebı, ǵylymı mura qaldyrǵan jan. Onyń “Qartqoja”, “Aqbilek” atty romandary men povest-pesalaryn qazir de jurt qyzyǵa oqıdy. “Tárbıege jetekshi” (1924 j.), “Psıhologııa” (1926 j.), “Jan júıesi jáne óner tańdaý” (1926 j.), t.b. iri ǵylymı eńbekteri bar.
