Qoǵam • 16 Jeltoqsan, 2019

«Báıterek» basyndaǵy qaýyshý

11 retkórsetildi

Iraktaǵy terrorıstik áreketke qatystylyǵy úshin jazasyn ótep jatqan analardyń balalary ótken aıdyń aıaǵynda Memleket basshysy Qasym-Jomart Toqaevtyń tapsyrmasymen gýmanıtarlyq aksııa aıasynda elge qaıtarylǵan edi. Kóp ótpeı olar týystaryna tabystaldy.

Bul balalar – biri taǵdyrdyń tosynyn, tálkegin qursaqtan «kórgen», endi biri týa sala týǵan jerinen jyraqtaǵan, keıbiri tipti túrmede týyp, bárinen bu­ryn anasynan tirideı aıyrylǵan jáne ákeden habarsyz qalǵan baldyrǵandar. Sheshesi sottalǵanmen, balalardyń esh kinási joq. Sondyqtan olar táýelsiz elimizdiń beıbit aspanynda kún keshý­ge quqyly. Degenmen áli oń-solyn ta­nymaǵan bala úshin ata-anadan asqan jaqyn jan joq. Áke-shesheniń ózindeı bolmasa da, ornyn toltyratyn ata-ájesi, ata-anasynyń baýyrlary balalar­dy baýyryna basty. Biraq balalar birden boı úırete qoımady.

О́zińiz oılańyzshy, anasynan bir aıyrylý, taǵy tanymaıtyn týysy, ómirinde bir ret bolsyn kórmegen adam­ǵa erý tıtimdeı júrekke aýyr soq­qy bo­latyny sózsiz. Mundaı sal­maqty júk­ti arqalaýǵa «Jýsan» operasııa­synda jumys istegen mamandar jumyl­dyrylǵan. «Balalar alǵashynda bizge de birden ashylyp ketken joq. Biraz jumys júr­gizdik. 3-4 kúnnen keıin ǵana bizden úreılenbeıtin, tartynbaıtyn boldy. Sırııadan kelgen balalardan bul kishkentaılardyń aıyrmashylyǵy – ata-anasyz. Bul – úlken aýyrtpalyq. Oǵan qosa bul balalar Sırııadan kelgenderdeı emes qazaq, orys tilderin tú­­sinbeıdi, arasynda ázerbaıjan, arab, ózbek tilinde sóıleıtinderi bar. Osyndaı aıyrmashylyqtar kúrdeli ju­mysty qajet etti», deıdi psıholog Aıbek Qy­lyshbek.

Iraktan oralǵan balalar «Báıterek» monýmentin kórýge qushtar bolǵan eken. Elimizdiń Syrtqy ister mınıs­tr­ligi men Bilim jáne ǵylym mınıs­tr­ligi kishkentaılardyń armanyna qa­nat bitirdi. Al ómirlik qıyn jaǵ­daı­da qalǵan balalardy qoldaý orta­lyǵy­nyń tájirıbeli mamandary Irak­tan oralǵan kishkentaılarǵa jan-jaq­ty psıhologııalyq, medısınalyq, peda­gogıkalyq jáne áleýmettik kómek kór­­­setken. Barlyq tıisti resim júr­gi­zil­gennen keıin balalardyń bári týys­taryna tapsyryldy. Aıta keteıik, qa­rashada elge ushyp kelgen balalardy týysqandary áýejaıda kútip alǵan bolatyn.

Bir alańdatatyny, 14 balanyń ishin­de 4-eýin týystary qabyldaýdan bas tartqan. «Týystaryna tabystalǵannan keıingi barlyq jumys jergilikti atqa­rýshy organdardyń baqylaýy boıyn­sha, bilim berý uıymdary, arnaıy qol­daý ortalyqtarynyń kómegimen júr­­giziledi. Búgin baıqaǵanyńyzdaı, týys­­tary turatyn oblystardyń bilim bas­­qarmalarynan arnaıy mamandar da ju­mystyń basy-qasynda júr. Al týys­­tary qabyldaýdan bas tartqan balalar otbasy úlgisindegi balalar úıinde tár­bıelenedi», dedi Bilim jáne ǵylym mı­nıstriniń keńesshisi Raısa Sher.

Sońǵy jańalyqtar

Almaty jasyl qalaǵa aınalady

Qoǵam • Búgin, 06:50

Bala aýyrsa, bárimiz jaýaptymyz

Medısına • Búgin, 06:48

«Aqylǵa sáýle qonbasa...»

Qoǵam • Búgin, 06:46

Hakimdi jańasha túsinýdiń álippesi

Rýhanııat • Búgin, 06:45

Abaı sózi – qazaqtyń boıtumary

Qazaqstan • Búgin, 06:36

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Uqsas jańalyqtar