Qazaqstan • 16 Jeltoqsan, 2019

Qorǵanys mınıstrliginde qaza bolǵan áskerı qyzmetshilerge memorıal ashyldy

6 retkórsetildi

16 jeltoqsan qarsańynda Qorǵanys mınıstrliginde Qazaqstan
Táýelsizdigi jyldary áskerı mindetin atqarý kezinde qaza bolǵan áskerı qyzmetshilerge arnalǵan memorıal ashyldy.

Saltanatty rásimge Qorǵanys mınıstrliginiń basshylyǵy, QR Parlament depýtattary, áskerı qyzmetshiler men ardagerler, «Jas Ulan» áskerı mektebiniń tárbıelenýshileri, sondaı-aq qaza bolǵandardyń týǵan-týystary qatysty.

 «Otanyn qorǵaý – árbir azamattyń paryzy. Meniń ulym – ushqysh, áskerı mindetterin oryndaý kezinde qaza boldy. Biz osyndaı memorıaldyń ashylǵanyna qýanyshtymyz jáne rızamyz», – dedi aǵa leıtenant Janbota Qasymovtyń ákesi.

Is-sharaǵa qatysýshylar eskertkishke gúl shoqtaryn qoıyp, erlikpen qaza tapqandardy bir mınýt únsizdikpen eske aldy.

«Máńgi esimizde» memorıaly Qorǵanys mınıstrliginiń ǵımaratynda áskerı mindettiń úlgili oryndalýynyń jáne Otanǵa sheksiz qyzmet etýdiń úlgisi retinde áskerı qyzmetshilerdiń aldynda ornatylǵan. Qaza bolǵandardyń árqaısysy qazirgi áskerı qyzmetshiler men bolashaq urpaqtyń jadynda máńgi qalady. О́ıtkeni, bul jaýyngerler, maıdangerler men batyrlardyń dańqty dástúrin jalǵastyrýshylar.

Ol qaza bolǵandar týraly derekter bazasy jınaqtalǵan qabyrǵa men aqparattyq blok bolyp tabylady. Ekranda árbir qaıtys bolǵan adam týraly aqparat kórsetiledi. Atap aıtqanda fotosýret, týǵan jeri men týǵan kúni, qyzmet etken orny, qashan jáne qandaı jaǵdaıda qaza bolǵany kórsetilgen.  Memorıalǵa daıyndyq júrgizip jáne jumys isteý barysynda jınalǵan barlyq málimetter men materıaldar QR QK Áskerı-tarıhı murajaıyna beriletin bolady.

Derekqor tek Qazaqstanda ǵana emes, sonymen qatar shetelde oqý-jaýyngerlik mindetterdi oryndaý kezinde jáne Iraktaǵy bitimgershilik mıssııaǵa qatysqanda qaza tapqan 70 qazaqstandyq áskerı qyzmetshi týraly málimetterden turady.

Sońǵy jańalyqtar

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Qyzylorda: Kásipkerler ótinishi eskeriledi

Aımaqtar • 24 Qańtar, 2020

Kókshetaýda saýda dúńgirshekteri buzylmaq

Aımaqtar • 24 Qańtar, 2020

Moskva zamanaýı ortalyqqa aınala ala ma?

Qazaqstan • 24 Qańtar, 2020

Uqsas jańalyqtar