Rýhanııat • 16 Jeltoqsan, 2019

Braıl qarpinde jazylǵan F. Ońǵarsynovanyń «Men saǵan ǵashyq emes em» kitaby tanystyryldy

49 retkórsetildi

Almatydaǵy Zaǵıp jáne nashar kóretin azamattarǵa arnalǵan respýblıkalyq kitaphanada  oqyrmandar konferensııasy ótti. Jyl saıyn ótetin dástúrli sharada kitaphana dırektory Ashat Baıuzaqov osy bir jyl ishinde ujym tarapynan atqarylǵan jumystar jaıynda málimet berip ótti.

Kitaphana isin damytý, bıblıografııa jáne tıflologııa bóliminiń aqparaty boıynsha, oqyrmandar konferensııasy «Sóıleıtin» jáne núkteli-bederli qaripinde Braıl kitaptary bólimi shyǵarǵan Farıza Ońǵarsynovanyń «Men saǵan ǵashyq emes em...» kitabynyń tanystyrylymymen erekshelendi. Bólim qyzmetkeri B. Syzdyqov núkteli-bederli qaripte jaryq kórgen kitaptyń tanystyrylymy barysynda aqynnyń ómiri men shyǵarmashylyǵyna toqtalyp, óleńderinen úzindiler oqydy. Al «Sóıleıtin» jáne Braıl kitaptaryn shyǵarý bóliminiń meńgerýshisi N.D. Baımuratova oqyrmandarǵa aǵymdaǵy jyly bólim tarapynan shyqqan núkteli-bederli jáne jaıpaq baspaly qarip boıynsha dybystalǵan, taktıldi kitaptar, broshıýralar boıynsha keńinen aqparat berdi.

Kitaphana dırektory A.Baıuzaqov kitaphana qyzmetiniń jumysynyń statıstıkalyq kórsetkishteri, oqyrmandarǵa qyzmet kórsetý qyzmetterin engizý, kitaphanada ótkizgen kópshilik is-sharalar, kórmeler, kitaphana shyǵarǵan basylymdar týraly, aǵymdaǵy jyly kompıýterlik saýattylyq pen ońaltý boıynsha ótkizilgen sabaqtardyń sany, búgingi kúni kitaphana qoryn quraıtyn kitaptardyń sany týraly aqparat berip, kitaphana jumysyn qorytyndylady. Kitaphananyń 2020 jylǵa arnalǵan jumys jospary men mindetteri týraly baıandady.

Osy shara aıasynda  kitap qoryn tolyqtyrý, óńdeý  jáne katalogtardy uıymdastyrý bóliminiń meńgerýshisi T.Rogatkına aǵymdaǵy jyldyń 1 jeltoqsanyna deıingi kitap qorynyń qysqasha esebine toqtaldy.

Konferensııada 9 adamnan turatyn «Kitaphana keńesin» qurý, «Kitaphana keńesiniń» erejesin ázirleý, zaǵıp jandardy jáne múmkindigi shekteýli balalardy qoldaý qorynyń jetekshisi B.Bazarbekovpen birlese zaǵıp jandardy  súıemeldeý  boıynsha beınerolık túsirý týraly usynystar aıtylyp, kitaphana basshylyǵy men mamandary oqyrmandar tarapynan qoıylǵan suraqtarǵa jaýap berdi.

Konferensııa sońynda kitaphananyń belsendi oqyrmandary marapattaldy. 

ALMATY

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar