Álem • 16 Jeltoqsan, 2019

SIM basshysy Madrıdte eýropalyq jáne qytaılyq áriptesterimen kelissózder júrgizdi

12 ret kórsetildi

Qazaqstan Syrtqy ister mınıstri Muhtar Tileýberdi Ispanııaǵa «Azııa-Eýropa» forýmynyń (ASEM) Syrtqy ister mınıstrleriniń 14-shi keńesine qatysý úshin eki kúndik issapary bastaldy.

Is-shara aıasynda Mınıstr M. Tileýberdi Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrellmen jáne QHR Syrtqy ister mınıstri Van Imen ekijaqty kelissózder júrgizdi.

Mınıstr M. Tileýberdi J. Borrelldi Eýrokomıssııanyń Vıse-prezıdenti – EO Joǵarǵy ókili qyzmetine kirisýimen quttyqtady. Eýropalyq keńestiń Prezıdenti Donald Týsktiń ú.j. mamyrda Qazaqstanǵa jasaǵan resmı sapary Nur-Sultan men Brıýssel arasyndaǵy joǵary deńgeıdegi dıalogqa aıtarlyqtaı qarqyn berdi.

EO Joǵarǵy ókili, óz kezeginde, Qazaqstannyń Ortalyq Azııa óńirindegi mańyzdy rólin erekshe atap ótip, Aýǵanstanǵa baılanysty bitimgershilik kúsh-jigeri úshin rızashylyǵyn bildirdi.

Eýropalyq dıplomatııa basshysy QR Syrtqy ister mınıstriniń 2020 jylǵy qańtardaǵy Brıýsselge aldaǵy saparyn jáne QR-EO yntymaqtastyq keńesiniń 17-shi otyrysyn ótkizýdi quptady.

J. Borrell kelesi jyly Nur-Sultan qalasyna saparmen kelýge daıyn ekendigin jáne Keńeıtilgen áriptestik pen yntymaqtastyq týraly kelisimniń kúshine tezirek enýine múddeliligin rastady.

QHR Syrtqy ister mınıstri Van Imen kezdesý aıasynda taraptar QR Prezıdenti Qasym-Jomart Toqaevtyń QHR-ǵa aǵymdaǵy jyldyń qyrkúıek aıynda jasaǵan tabysty memlekettik saparynyń qorytyndysy boıynsha máńgilik joǵary kólemdi strategııalyq seriktestik ornaǵanyn qanaǵattanarlyqpen atap ótti.

Syrtqy saıası vedomstvolardyń basshylary Qazaqstan men Qytaı arasyndaǵy saýda-ınvestısııalyq yntymaqtastyqtyń qazirgi qarqyndy ósýin atap ótti. Buǵan «Nurly jol» memlekettik baǵdarlamasy men «Beldeý jáne jol» bastamasy sheńberinde ınfraqurylymdyq jobalardy der kezinde iske asyrý yqpal etedi. Bul rette, IT tehnologııalar men jańartylatyn energııa kózderi salalaryndaǵy zamanaýı joǵary tehnologııalyq jobalarǵa erekshe mán beriledi.

M. Tileýberdiniń Van Imen birinshi kezdesýi barysynda joǵary jáne joǵarǵy deńgeıdegi saparlarmen almasý arqyly ekijaqty yntymaqtastyqty odan ári nyǵaıtý týraly, sondaı-aq BUU, AО́SShK, ShYU jáne ASEM sııaqty kópjaqty alańdar sheńberinde ózara qoldaý týraly ýaǵdalastyqqa qol jetkizildi.

Sońǵy jańalyqtar

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar